Heimreis

Als waeris ersch gad geschter gsi wawer z Australie sii acho. Ja di Ziit isch so schnaell verbii gange und so chunts dasswer hitu iische letscht Tag in Brisbane hei. Bald emal startet oei scho iischers Flugi Richtig Heimat. Also irgend eswie isch nisch scho gli heim z cho, waerde Australie aber uf jedefall spaeteschtens waehrend dum studiere vermisse.

Wier wellti alle Laeser gratuliere dasser bis am Schluss ischi super spannendi Gschichtjini ertreit heit. Aber ei Gschicht wartet nu uf ew naemli di vaner letscht Wucha. Da wier isch leider nit hei chaene motiviere ver dii z schriebe, folgt di de es aners malsch. So vil heiwer leider oei nime erlaebt, hei aber wieder emal gmerkt, dass d Australier gaere tiehnt trieche. Zum Biespil heiwer geschter e pumpe volli Froei gseh wa sogar irusch Rock verlore het und sus fasch nit gmerkt haengi we nit irusch Kollegi zur Stell waeri gsi. Ihh waerdes vermisse.

Ja mu gseht schich wewer wieder zrug iner Schwiez sii.

Vom andre Ufer

Der 20.8.08 wärde wier zwei gloibi nimme so schnäll vergässe, will nisch 2 jungi herre rächt „ufe Sack“ sind gange. An dem Tag(wo eu der letscht Bricht isch online cho) siwer de nu uf Taree und da swo zume Park. Na dem dass wer de kocht hei kä sind uf zmal 2 jungeri Purschte cho…nichtsahnend heint de di nisch uf zmal agsproche, was wer de so mäche und vo wo dass wer si. Das isch ja eu güet und rächt, aber de isch de di Sach schnäll konkreter gworde und eine vo dene hetde welle wisse obwer bisexuell oder schwul sige. Vo de wäg isch nisch de scho klar gsi was los isch..si de aber cool geblibe und hei schi eifach nit beachtet. Aber de het doch der Göich uf zmal welle wisse wie leng ischi Schwänz sind und de hets nisch de abgstellt. Und woner de nu gseit het dass hie da en Träffpunkt ver Schwuli si…sind de Zbeni und der Kevin hurtig wieder im Auto gstige und gflüchtet….eifach numme so wit wie megli wäg, isch di devise gsi!

Na dem Schock und erachurze Fahrt uf North Heaven am andre Morge heiwer de di ganz Gschicht mit es paar Spiegeleier verdrängt. Zport Macquire siwer de numal gat schnäll ins Internet. Im negschte Ort, South West Rocks..schöns Ortji am Meer a siwer schnäll es alts Gfängnis ga pschäue…Na dem imposante Erläbnis isch de tletscht Destination va dem Tag Coffs Harbour gsi…wos de dizmal zum Glick kei Lit vam andre Ufer het kä. Also ZVittla het nisch emmel nit gschmärzt wower wieder erwacht si am andre Tag. zCoffs Harbour heiwer schnäll der Big Banana Park gebsüecht. Isch en Banane Plantage mime Frizitpark…Da hängi mu sogar chenne ga Schlittschüeh gfahre aber si leider zfrüeh dra gsi…und en Indoor Schgihalla heintsch emmel eu nu kä..aber di het warschinli nit so randiert..isch gschlosse gsi. Siwer de halt ga rodle, isch de nit gat das Megaerläbnis gsi und somit is de straight away uf Byron Bay gange…ufer Fahrt siwer de nu Ufe Töffgang gstosse, apa uber 150 Töffa sind da unerwägs gsi und begleitet worde sindsch vo jenschte Polizitöffa und auto. Ich glöibe di heint alls üfgebote wontsch heint kä. Uberall sind gsi di tschuggera…Unglöibli was ver farbefrohi Auto hie di Polizi het.. vo blau, rot uber grie bis gälb heintsch alls im Agebot!
Zbyron Bay acho heiwer nisch natirli nit la lumpe und si ine negscht bescht Camping und da siwer de e ufer tnegschte 3 nächt geblibe. An dem Tag isch eigentli nimme vil passiert, nu biz durch Tstadt, es Pierli ga triche und apa mal wieder getuscht am mabe..wies schi eu kehrt.
Name tröimhafte Schlaf, isch mal wieder flott warm gsi, siwer am nahtag mal ze Eagle Boys Pizza ga diniere und nachher eigentli der ganz namittag am Strand gsi und hei da gsünnelet. En pumpevolle Iheimische het nisch de emmel eu nu flott amüsiert mit schine Theorie uber wiber wos monant ghöirt het. Am mabe siwer de zfühli gsi ver zchoche und hei nisch de churzerhand es Garlic bred und en apple Pie köift wo numme hesch ine Ofe chenne schmeitze…en Tröim gsi das Mälti. Später siwer de zNachtläbe ga unsicher mache zByron Bay, Isch de eu velig di Poscht abgange!!

Mime minim schwäre Chopf (nit das wer epis getrüche hängi) isch de am Nahtag zersch Spiegeleier und nachher schoppe und Strand agseit gsi…am mabe hängiwer de eigentli tabschlussfir vaner Olympiade welle lüege aber Tsecuritas heint der Fernsehberich leider abgschlosse und somit heiwer de es Filmji ufum Laptop glüegt.
Der 25.8.08 isch eu vellig en gschichtsträchtige Tag gsi, hie in ischum Dasi Zauschtralie..will an dem Tag heiwer mal wieder nix gmacht na dene ganze Strapaze ine letschte 4 Monät. Wäsche heiwer miesse, isch apa de zletschmal gsi. Ja und ins Kino der Pinapple Express siwer nisch nu ga gnähmige, isch nu amüsant gsi, halt en Kifferfilm.
Der Zischtag isch wieder annersch abgange. Hei de einisch Byron Bay verla und si de uf Lismore ga mittage, mal wieder Subway. Später siwer de uf Nimbin cho, das isch sozsäge Zmekka ver di Kiffer. Küm heiwer zauto parkiert kä het nisch scho en Potzli gfrägt ob wer epis welle Zkiffe chäufe..das isch de so witer gange en stundlang. Lang siwer nit da gsi..will vil gits da nit gseh üsser Hanfshops und jeni Drogedilera. Na ungefähr 20 Drogedilera wa nisch epis heint welle adrähe ( wier hei der Versüechig natirli widerstanne;-) ) siwer de eu scho wieder witer uf Tweed Heads. Iner nechi vo da siwer de zure riesige Früchteplantage cho. De heiwer nisch gedeicht, mächwer doch mal Fruchtsalat und hei nisch de es paar exotischi Fricht geposchtet. Abiu, Pepino,Canistel,Nashi,Fujifrucht,Ananas,Passionsfrucht etc. so heint di ganze Fricht gheisse. Southport isch de ischi Nachtlocation gsi, da siwer ufe Camping und hei nisch de der super Fruchtsalat ubergeta! Also zmeischta hesch nit wirkli chenne ässe, furchtbar säg ich euw..ich blibe lieber bi de altbewährte Äpfla,Banane etc….

Am drüffolgende Tag siwer uf Sufers Paradise, isch e hüere Tourischtestadt aner Goldcoast mit jene Hochhischer wosch warschinli ine letschte Jahr üssum Bode gstampft heint. Also het nisch emmel nit schlächt gfalle da. Da siwer de ga shoppe, bowle und in Hard Rock Cafe siwer nu und am mabe wider ufe negscht Camping. Znacht hängis eigentli Spaghetti Bolognaise selle gä, aber da mier leider bim ablesche vom Wasser di ganze Spaghetti ufe Bode sind, hets halt de numme Bolognaise gö. Ische u nit schlächt gsi, hei emmel gnüeg vercho… und am mabe siwer nisch de nu der Wanted ga alüege.
Vorgeschter siwer voller Freid ins Seaworld…jeni Schows heiwer da gseh. Vo Delphina uber Seelöwe bis Wasserschgishows heintsch im Agebot kä..Ga Achterbahnefahre heshc eu chenne. Un natirli hesch der chenne ga Fischa,Haia,Pinguine usw. ga alüege. Sogar en Polarbär heintsch im Park. Isch de en super Tag gsi und si de am mabe ufe negscht Camping gfahre und hei nisch wieder flott kocht.
Am andre tag de ab dri ine negscht Park, ins Movieworld. Isch de eu en super Sach gsi mit Shows und jenschte Achterbahne wo zum Teil rächt sind abgange. Ufer Supermanbahn heintsch di in 2 sekunde vo null uf hunert gjagt..het der rächt der Kick gigä. Da siwer de der ganz tag bis na de 5 wie chleini chinder vo bahn zu bahn und am mabe de wieder ufe glich camping.
Uf dem Camping siwer momentan immer nu…hitte morge siwer üf und hei gedeicht, tiewer doch mal wieder epis ver ischi Gsundheit. Und das hie züefälligerwis en Tennisplatz het siwer natirli ga Tennis spile. Si de sogar zwei mal 1.5 Stund gspilt…Uber di zit het mi de Zbeni 7:5, 6:7, 4:6, 6:4 und 6:2 niedergrunge…isch vellig en spannendi Sach gsi. Was di purschte eis gebreakt und Doppelfählera gmacht heint, wie Twältmeischtera..Also het emmel vellig güet geta mal wieder biz Sport ztribe…isch eis va de wenige mal gsi. Güet weme Billard eu derzüe rächnet siwer vellig aktiv gsi!!

So das wärs mal wieder gsi. Isch warschinli der 2. Letscht Bricht gsi. Ich wiess ier wärdet trürig si nix meh va mier chenne zläse, aber kei angscht, scho bald chunnt mis neu Büech üssa uber tSexualläbe va Pantoffeltierchen;-)
In demfall bis bald…..

Scho fasch wieder z Brisbane

Sodeli ich darf wieder emal dra glöibi und mieni koschtbar Ziet ver dische Text investiere. Während z Kegi schich scho schön igekuschlet het, bin ich fliessig am Text schriebe. Aber äs isch ja öi eine vane letschte Texta va miener Sieta üs Australie, sodass ich das gäre uf mich nime.
Also so Grossstädt sind scho nu so schön und so, aber sind wirkli nit eso mieni Sach und ich würdi hie glöibi nit alte wärde. Gopf, wemu hie mit eme Auto in eso en Millione Stadt geit brüchts entweder vil Geduld oder mu müess eifach stiechfräch si und äs git Liet wa das täglich uf schich nähment, gängimer gar nit. Da wier beides nit wirkli hei oder si, siwer de öi fasch vergaggret. Ich hä nur scho mieh weni durch Visp fahre und riese Stau isch, vergiss wenn ufera 5-spurigi Strass Richtig City Stau isch und mu nit genau weiss wos durch geit. Ja wier heis scho schön im Wallis.
Aber äbe, wier hei öi nu schöni Sache erläbt siet dum letschte Mal.

Nah dem wer z Batemans Bay im Internet sii gsi, siiwer nu churz bits ga shoppe. Wier entwickle nisch hie z Australie zu regelrächte Shoppingtante, aber hie hensch eso vil hibs Gwand. Ja der Gäldsack isch scho scheh am liede. Gad wiet siiwer de an dem Tag öi nime cho und hei nisch bim Burril Lake es hibs Platzji gsüecht zum ubernachte. Bime flotte Park, iner Nechi vame Campingplatz, siiwer de fündig worde. Dawer scho 1-2 Täg ischi Körperpfleg benachteiligt hei, heiwer nisch churzerhand nachera professionelle Erkundig bim Camping igschliche und hei nisch da e flotti warmi Dusch gegönnt. Gad ganz gratis isch de das öi nit gsi, pro 5 Minüte warems Wasser het me es 20-gi miesse ikie. Nach der glungene Mission ohni Verlust heiwer nisch d räschtlich Pizza gegönnt und nach es paar Pierlini siiwer de öi scho nit z spat ga ligge.

Am Mäntag heiwer zersch mal bits lenger gschlafe und nach der Asträngig heiwer es liechts Hungerli verspirt. Da mu schich susch öi nix gönnt, siiwer ins Konsum und hei nisch da es paar Eier geposchtet. Mit der neu Pfanna wawer köift hei het das wunderbari Spiegeleier gigä, chas gar nit verstah wieso dass das mier friener nie zum Frühstuck gigä het. So es richtigs geils Oz-Frühstuck mit Späck und Eier isch doch z beschta um e Tag azfah.
Bevor wer nisch ufe wieter Wäg hei gmacht, heiwer iischers füessballerisch Talent wieder emal zum vorschii gebrunge, hei dii Pirschtlini chänent jongliere. Emel meh oder weniger, het jedefalls güet geta schich emal wieder e bits z motte. Bim Burril Lake is de öi wieder emal eso wiet gsi um churzi Hose und Flip-Flops z montiere, hei das isch schön gsi mal wieder e bits wermi.
In Ulladulla, wettigi Näme ver Ortjini heint dii hie das glöibsch gar nit, heiwer d z Chind in iisch wieder emal üsagla, sii eso ime Funland gsi mit jene Spielautomate. Da hets va Air Hockey bis zu Motor Race alle Scheiss kä, z Zähnerli wawer da verspielt hei isch de dementsprechend öi schnäll ewäg gsi. Das isch de aber öi nit z einzig Zähnerli va dem Tag gsi wawer sinnlos hei üsgigä. Nah dem wer wieter uf Jervis Bay sii gange heinsch da Itritt welle ver de National Park, ich säge dier d Australier mächent Gäld wasch öi nur chänent. Da is de öi eso schön und einzig artig gsi, dasswer nachera halb Stund wieder wieter Richtig Norwa si. Obwohl ich der Aldi bi iisch nit unerstütze findis hie z Australie e super Sach, sodass wer de z Norwa öi gad schnäll sii ga verbie lüege. Wier hei zwar eigentli nix gebrücht, sii de aber gli mit volle Säck üsem Gschäft cho, da gits eso billigs Bier gägenüber dum andre, isch e wahri Freid. Per Züefall siiwer de ufer Wältberühmt Grand Pacific Road wieter gfahre. Gad wiet siiwer de an dem Tag nime cho und hei nisch z Shoalhaven Heads niedergelassen. Nach feine Tortellini mit de Schinke und de ohni Rahm siiwer nach es paar Pier nit z spat ga ligge. Ah z Kegi het nu näbebii z Hotel in d Ordnig gita, wawer de z Sydney hei därfe sii.
Z negscht Interessanter Ortji ufer Grand Pacific Road isch de Kiama gsi, mit schienem Blowhole wa bis zu 20 Meter hochs Wasser cha üsaspritze. Das siiwer de hurtig ga alüege und nach der astrengend Aktivität heiwer nisch mal wieder paar feini Eier zum Früehstuck gegönnt. Nah dem wer de nu vame friendliche Australier agequatscht si worde, di wellent nu vil so wisse wo me eso am umcha reise sii etc., siiwer de öi scho zum negschte Ort, names Wollongong. Das isch di dritt gregscht Stadt va New South Wales und wahrschinli öi eini vane Leidere. Nach dem wer vergebens e halb Stund nacheme Parkplatz hei gsüecht hets nisch de langsam agschisse und sii de halt eifach wieter gange. Z Stanwell Park heiwer de ischi negscht Nacht verbrunge. Bevor wer aber sii ga ligge, siiwer zersch nu uf eso en Lookout gange und derna heiwer nu ins Stadtzentrum welle, wawer de aber leider nit gfunde hei, will das Ort eso chli isch gsi und wahrschinli öi gar keis het kä.
Am Mittwoch heiwer ufum Wäg zum Olympic Park zersch nu der Royal National Park durchquert, ver der hängimu apa öi wieder es Zähnerli miesse bläche, aber wier sii eifach durchgeblocht. Und de het z Ghetto scho wieder agfange. Küm siiwer iner Nechi va Sydney gsi hets uf z mal wieder jeni Auto ufe Strasse kä und di Australier sind wahrschinli nu schlimmeri Autofahrer wa di Tschingini. Ich hämi es paar Mal üfgregt, aber hie müess mu eifach passiv fahre und hoffe dass mu richtig igspurt het, wa mit 5 Spure nit immer gad sicher isch, und susch fahrsch de halt susch eswa durch. Nach vil hin und her siiwer de emel bine Stadie acho und sii öi gad rächtziitig acho um es paar alti bekannti azträffe. Zersch häni va wietem es paar blödi Touriste bim Fötele beobachtet und churz druf het schi herüsgstellt, dass das der Simon und d Sabine vam Töichkurs sind. Hei dii Wält isch eso chlii. De siiwer de öi gad zäme eppis feins ga ässe, billige Hot-Dog, und hei nu zäme en Besichtigungstour vam Höiptstadion va der Olympiade gmacht. Isch nu zimli es grosses Stadion wasch aber ine letschte Jahre bits umgebaut heint und zume Multifunktionale Stadion gmacht, jetzt chänensch AFL, Rugby, Füessball etc. dri spiele. Schii sind de nacher wieter uf Sydney und wier hei nisch ufe Wäg zum DFO(Direct Factory Outlet) Shop gmacht. Da der Wäg nit eiditig agschriebe isch gsi heiwer sus zersch nit gfunde und wower eigentli wieter hei welle is uf z mal vor iischer Nasa gsi. Mit liechterum Portemonnaie siiwer nach Parklea gange wowernisch bime 4 Stäre Caravan Park mit Spa en Nacht gegönnt hei. Nacheme Whirl Pool Gang und era warme Dusch hei wer nu bits d Olympiade im Fern verfolgt und sii nit z spat nieder.
Nachere chalte Nacht is de am negschte Morge wieter Richtig Sydney gange und z Ghetto isch ja scho vorprogrammiert gsi. Vil Auto, beschissni Einbahnstrasse und schlächti Beschildrig hent derzüe gfiehrt, dasswer apa 4 Stunde im Gagga si umcha gfahre ver nix. Güet z YHA(Jugendherberga) isch öi nit unschuldig. Wier sii biner YHA ga ichecke und de hent nisch dii gseit wier chäne bi irum Parkplatz parkiere. Wäri ja güet und rächt, aber der Parkplatz va ine isch eso chlei gsi, dass wahrschinli nit emal en MINI hängisch chäne parkiere. De heiwer halt en andre Parkplatz miesse finde, schi hent nisch de eine vorgschlage was de leider gar nit gigä het. Aber selbst ist der Mann und so heiwer de öi eine gfunde, het zwar 25 Dollar pro Tag koschtet aber was willt. Nach der Action siiwers an dem Tag gmietli agange und sii bits durch z Städtli gluffe, bits ga shoppe, schnäll biner opera verbi und nu schnäll durch de Botanisch Garte. Iner YHA bini de zur Entspannig schnäll in d Sauna ghüppft und nachera warme Dusch heiwer nisch mit der Sabine und dum Simon zum Nachtässe verabredet kä. Wier hei de öi fein bime Italiener dinniert und si derna e Sprung ine Sportbar bi Kings Cross gange. Nach es paar Pierlini und Fröhlichkeit siiwer nu schnäll ines paar Nightclubs. Äs isch de jedefall es bits später worde und biswer im näscht sii gsi isch güet emal halbi 6i gsi.
Voller Vorfreid uf z Hotel und mit schwärem Chopf heiwer am Frietag biner YHA üsgecheckt und nisch derna ufe Wäg zum Swissotel gmacht. Bevor wer da sii ga ichecke, siiwer nu e Sprung ine 3-stöckig Apple Shop, da hängis alles kä was das Herz begehrt. Nachem erfolgriech ichecke siiwer wie chliini Chinder uf z Zimmer und hei da alles erkundet, hei eso es Hotelzimmer mit 2 Doppelnäschti isch scho gad e krasse Unerschied zu ieschum Van. Es tröimli!!! Der Tag siiwer de öi gar nime üsgrickt. Hei am Nahmittag bits der Pool und d Saunas gegnosse und wo am 5-i di Glogga vam Zimmer glietut het, siiwer öi uberraschti gsi. Heint nisch doch nit 2 Agstellti 4 chalti Pier und e flotti Chäsplatta mit emu Chartji derzüe uf z Zimmer gebrunge. En Tröim. Ufum Chartji hent nisch de der Manager und der Chef va der Verpflegig en schöne Üfenthalt gwünscht, als wäriwer irgend riese prominänti Gäscht. Nach dem chliene Zwipf sind de nu d Sabine und der Simon z Bsüech cho und wier hei schi de öi bits jalüsi gmacht mit iischem Hotelüfenthalt. :) Da wer scho mal ime Schwiizer Hotel sii gsi heiwer nisch de da es flotts Chäsfondue gegönnt. Also z Feeling va deheime isch scho es bits üfcho aber das sind ja Wälte. Wier sii nisch glöibi eifach vil z güet gegwännt, will z Fondue isch scho nit so schlächt gsi, aber isch zimli wässrig gsi und Chäs isch öi nit wirkli vil dri gsi. Nach der Erniechtrig heiwer der räschtlich Abe d Olympiade vam Näscht üs bits verfolgt.
Der Samstag isch de ganz uner dum Motto Touriste da sii gstande. Nacheme Hammer Früehstuck, also wirkli Wältklasse mit Späck, Eier, Zopf, Nutella, frische Fricht, Wirscht, Omlette, Gipfeli etc. isch de ischi erscht Station bim IMAX gsi. Da siiwer en 3 D Film namens Wild Ocean ga lüege, isch nu imposant gsi. Der nah siiwer durch Darling Harbour, wunderschöne Ort, gluffe bis zum Aquarium, wower de jeni verschiedenschti Fischa hei gseh. Dadruf siiwer zum Paddys Markt gange wower de öi gad es paar Souvenirs geposchtet hei. Da wier zimli Fühli si heiwer der ganz Wäg derzwische immer mit der Metro, isch eso en Monorail, zruggleit. Nach der asträngend Sach siiwer zrug zum Hotel und heinisch im Spa Beriech entspannt. Flott gstriegluti siiwer bim Sunnerunergang uber d Harbor Bridge gluffe und sii e sprung durch de Luna Park gluffe. Nach jene Foto wawer gmacht hei isch d vorletscht Station der Sydney Tower gsi wamu e wunderbari Üssicht uf Sydney het kä. In dem Ticket isch de öi nu der Oz-Treck ibegriffe gsi wasch ganz Australia mit es paar Animatione vorgstellt hent. Da wier z meischta scho gseh hei isch de das nix nöis gsi ver iisch. Derna heiwer eigentli nu in Chinatown welle ga z Nachtässe aber wills eso beschisse isch gsi heiwer nisch en Dönner gegönnt. Bevor wer nieder sii heiwer nisch nu mit de nöischte Infos va Bejing versorgt.
Am Sunntag heiwer de leider öi scho z Hotel nacheme wiederum super Früehstuck miesse verlah. Z Sydney sälber siiwer de nu schnäll ga „The forbidden Kingdom“ im Kino ga lüege und derna nu schnäll ane Bondi Beach. Isch der negscht schön Strand bi Sydney aber mit jene Touris. Bis wer de mal bits üsserhalb sii gsi is de öi fasch wieder dunkel worde und de heiwer nisch hankerum entschiede wieder nach Parklea zum Caravan Park z ga und da nu es letschts mal en Whirl Pool gniesse. Ufum Wäg heiwer nisch de nu bits Verfahre aber schlussendli heiwers de doch nu gfunde. Also isch scho nu e chliene Unerschied vam Doppelnäscht zu iischem Van gsi, wier wäri gäre nu im Hotl gsi.
Nachera chalte Nacht siiwer de wieter ini Blue Mountains gfahre und hei da di berühmte 3 Schwöschtre bestühnt. Also ich hä scho gmeint wier heige beschissni Näme ver d Maskotchen va der Euro üsgwählt aber wie di dri heissent isch nit gad vil besser. Nämli Tixe, Taxe und Buxe!
Nah dem wer wieder emal Bärga hei gseh heiwer so schnäll wie megli ani Küschta welle um mal wieder bits wermer z hä. Non-stop siiwer de wieter nach Swansea wawer nisch siet langem emal wieder en feine Tuggel Fleisch gegönnt hei.
Geschter siiwer wieter nach Newcastle, also nix hibs, wower nisch en chliene Imbiss bim Subway spendiert hei. Dii Industriestadt het nisch nit eso gfalle und so siiwer wieter nach Stockton wawer de ohni sus z erwarte Wahla gseh hei, wunderschön. Summi Liet sind da stundelang da gsi, aber wier heisus nach es paar Minüte scho gseh kä und der negscht Stopp isch de öi scho Nelson Bay gsi, immer Summer wäri das es Tröimli zum Bade und Chille, aber das nit eso warm isch gsi siiwer churz ga shoppe und de öi scho wieder wieter. Z Nelson Bay hängis nu en Rodlbahn kä, isch aber leider züe gsi. Ubernachtet heiwer de ufera Rest Area iner nechi va Bulahdelah.
Hitu heiwer eigentli nit gad vil gleischtet, hei nisch mal wieder bits en lengere Schlaf gegönnt und sii derna bis uf Forster geblochet wower jetzt öi sii. Hie siiwer schnäll uf en schöne Lookout gluffe womu dii ganz Küschta gseht und derna siiwer im Aldi ga Verpflegig poschte ver d negschte paar Täg oder Wuche. Ja und jetzt hän ich öi fertig. Gratuliere das bis hie bisch cho mim läse, isch halt wieder emal e lengere Text worde alsi eigentli vor hä kä. In ewiger Liebe und hoffentli z letschtesch mal, ewe Benjamin.

Nur nu 4 Wuche....

Tag winscht. Ich wellti zersch mal natirli euw begriesse, mini liebe läser und natirli nit zvergässe mich. Ich wo stundelang vor dum laptop hocke und qualvoll dische text niederschriebe. Äs isch ja nit sälbschtverständli dass ich der lang wäg uf mich gnu hä uf australie und mich va mine allerliebscht famili und natirli freunda getrännt hä! Uch welltis eu nit unerla mier sälber zdanke und natirli miner bank wo mier zganz gäld sponsoriert, dass ich mier hie der hanz gspass cha erleube! Ich wellti jetz eu nimme vil lenger wärde und zu ischem Trip zrugcho…

Also am 31. Juli siwer de ufi great oceans road cho…woemu am name scho cha errate liegt di strass am meer… küm het di agfange isch ei lookout nam andre cho. Alli 800m üsgstige, zfotoapparatli mitgnu und di sache ga alüege…isch eu wunerschön gsi, Klippe heiwer gseh, grotte und jenschti steina! Na dene Strapaze sier zum negscht glägne ort gfahre, namens Port Campbell. Da heiwer nisch grad ver 2 nächt ufum Campingplatz iquartiert. Am Mabe heiwer nisch de endi mal wieder es Tuschi chenne gönne…Und na es paar feine Gnocchi und me filmi ufum laptop siwer e ha scchlafe.
Am andreTag isch de der 1. Auguscht gsi und der heiwer natirli sche gegnosse mit afamal üsschlafe. Der tag durch biz ga schoppe, ping pong spile, billarde,pierline und am mabe heiwer nisch feini Hamburger gmacht. Tischbombe gits hie leider nit und somit isch hir dass mit dum firwärch und zig und sach üsgfalle.
Nare kuschlige nacht heiwer de am nahtag witer welle zieh, het schi de leider buz verzögret da wer si stecke plibe im rase wills e biz gschifft het. Feh et nisch de der Bsitzer freundlicherwis üssagezoge. Uf der Schock heiwer nisch de Späck und Eier ubergeta. Wieder zrug ufer strass sind de der negscht stop ufer oceans road die wältbekannt 12 Aposchtla gsi… sind zwar numme nu 6…will ab und züe mal eine nieder geit! Aber wieso der name ändre..susch chämi ja kei sau mehh! Voll neuer Impressione siwer nachher witer zum negschte chüschtestädtli, uf apollobay..da heiwer de eu tnacht verbrunge hiner ume Pub ufum Parklplatz.. Aber bevor wer si ga ligge heiwer nu hat en Schott wa punpevolle isch gsi und en Englönder im Billard gschlage…

Ja de isch ja de eu scho der 3.8. gsi…Na dem i miner schweschter zum geburtstag gratuliert hä (dassis ja nit vergässe) siwer de witer zum negschte schöne Ortji am Meer. Endli isch de an dem Tag mal wieder tsunna vircha cho und muh et mal wieder so epis ähnlichs wie Wermi gspirt. Da heiwer nisch natirli nit la lumpe und hat di badhose montiert. Zlorne acho heiwer gat der Früehlingsputz erledigt. Alli tirine üf, alles üssagrümt und de alli zimmer gstäubsgsügret und natirli nass üfgnu..isch de afa eu zit gsi..het rächt gmüfflet.. Tsunna isch de na 2h stunde u scho wieder verschunne und wie reu eu..nämli uf Torquay. Da is nu hibsch gsi, da sindsch gat am bue, ganzi bonzeviertla voll mit ville. Da siwer de numme churz ga schoppe will dass da tsurfmetropola va australie isch und de is de eu scho witer zer negscht raststätt wower nisch mal wieder es flotts mälti kocht hei.
Name Katerfrühstück in Geelong am andre Morge siwer uf Melbourne gfahre..Das isch de gar nit so eifach gsi. Fa heshc richtig Vegel vercho. Es hüere Ghetto..und hüere vil Einbahnstrasse..Heis de schlussenli doch eswie zer Jugenherberge gschafft wower de gat churzerhand 2 Nächt gebüecht hei. Vil isch de nimme gluffe, mal wieder twäsch uber geta und am mabe biz durch Tstadt gschländrut wower de durch Chinatown si mit jenschte trestaurant wo mu gar nit will wisse was mu alls uf ztäller verchunnt. Swo siwer de am Sitegässli verbi cho und de isch schich da es Model halbnackt am räkle gsi und eis het foto gmacht.. isch eifach gat schad gsi dasswer kei kamera miz hei kä!
Mal wieder im warme Bett gschlafes, am morge zitig üf und de ab dri int tstadt. Zersch siwer ins outlet factory und nachher ufe z360 grad observatoriumsdeck uf 250 meter. Da heshc de velig en geniale Üsblick kä. Na dem ine gratis shuttle bus igstige und zu dem Teil voner stadt gfahre wo di ganze Sportarene gläge sind… da heiwer nisch der Tenniscourt aglüegt und nu eis zwei andri stadie. Da stähnt apa 6 stadie und es neus sindsch nu am bue..kei ahnig ver was das schi di alli brüchent! Das isch de nu lang nit alles gsi, si de nu suscht es paar Sach ga alüge . Zcasiono het da natrili nit terfe fähle. Isch e verdämmt grosse Komplex gsi wo nit numme Zcasino dri isch sondern eu nu jenschti restaurants, bare es hotel un djenschti Bonzegschäfti aber alls halt ehner ver richeri. Am Mabe siwer nisch ins Imax ga der neu Batman film alüege!
Am andre Tag heiwer Melbourne wieder welle verla,aber eu das ishc nit so eifach gsi in dem hüere Verchehr. Hei eigentli nu die Formel 1 Strecki welle alüege aber di heiwer gar nit ershct gfunne de siwer halt witer richtig mainsfield. Zwischendri siwer de nu ines Ourlet Factory epis ga poschte. Iner Nechi vo Maindfield isch es bekannters Schgigebiet und da siwer de mal ga lüege wievil das so choschtet.Isch nisch de aber vil ztir gsi… wär apa auf 200 Stuz cho ver 1 tag…Wär zwar luschtig gsi zAustralie ga schgizfahre…Si de aber zrug uf Mainsfield ga penne.

Nachere witere chalte Nacht isch de tnegscht Station Benalla gsi..da siwer de iner nechi zume See gange..isch nu speziel gsi..da sind di Beim mitsch im See gwagse..nacher witer uf Wangaratta, Wodonga und nachher iner nechi va Tangalatta (Ungläublich was di ihre Stätt ver Näme gäbent) wieder ame Seelli heiwer ischi Zälti üfgschlage ver tnegscht nacht. An dem Abe hets mal wieder super Älplermaccarone gigä er mal wieder biz Heimat zgspire.
Vorgeschter de witer uf Corryong wower de 3 Meglichkeite hängi kä ver witer zfahre..aber 1 Strass isch der ganz witer gsperrti und ufer andra hängisch Schneechettine miesse hä. De heiwer halt tletshct Varianta gwählt. Schutz gfahre het mu de gmerkt daswer im Hochland si will uf zmal siwer mittsch im Schnee gsi.. Si rächt erstünti gsi..isch eu nit gat alltäglich hie in Australie….De siwer de zmal scho bim negschte Schgigebiet gsi..da hesch de bis ani Pischta chenne drafahre….ja isch das es Bombeschgigebiet gsi….apa 5 mal chleiner wa der Rosswald aber e Sässeli heintsch kä und isch eu nu vellig epis los gsi. Eu da heintschi nit la lumpe mit de prisa.. hängisch ungefähr gli gezahlt wie tszermatt ver es Tagesabo!! Na em Spektakel siwer de biz üssum schnee drüscho. Bis Tumut isch e nu schön zum fahre gseh..vil Wald und es paar nätti Seelini. Zwische Tumut und Adelong , bi de Adelong Falls isch de ische negscht Campingplatz gsi.
Wies eu nit annersch cha si, eu gehschter es paar meter gfahre. Und zwar uf Gundagoni und nachher uf Yass wo di gregscht Brigga va Australie steit..sägentsch. Isch üsser Betrieb und kit fasch üsenand. Und Nachher ab dri ins Australian Capital Territory uf Canberra. Da zersch zum Parlament, vellig es hibs Gebäude und Umgäbig., wower de dum Präsi hei welle ga thand schittle. Der isch de leider üsser Hüs gsi..Na dem de ind tstadt. Isch de gar nix speziells gsi eu nit wirkli hibsch. Der letscht Stpop in Canberra isch de de dAncac Parade gsi mit dum Memorial gebäude..ungläublich wiesch hie zaustralie di ganze tote Chrieger verehrent . E biz üsserhalb vo Canberra de nu ufe Telstratower wo mu nu u flotti Üssicht het kä. Alls in allem isch aber Canberra ver gar nix gsi und de siwer de eu scho nit tspat witer richtig Küschta wower iner nechi vo Braidwood campiert hei.
Hitte morge bin ich de tiefgrorer erwacht, will aes isch warschinli tcheltescht nacht gsi wower bis jetz erlaebt hei...na dem wer de halewaegs uefgetaut si siwer de eu scho witer zer chueschta. Da is de eu betraechtlich wermer worde, will vorer siwer scho gottlos iner hechi gsi. Na dem wer Zbatemanbay acho si siwer de zersch en Pizza ver gottlos billig ga aesse und hei nachher es Internetcafe gsuecht wower just jetz genau hocke und ich gat di letschte Zile niederschribe.

Leidergottes miessewer ime Monat wieder Heim. Ich weiss Ier heit warschinli eh huere Freid (vili) aber isch schissts scho ebiz a...ja nu eswie is scho schoen mal wieder ins gliebt Wallis zrugzcho und wieder richtigs Pier ztriche und natirli richtig geils Fleisch und Chaes chenne gniesse. Apropoz aesse, ich hoffe ischi Familine heint schi eswas uberleit,, will wier waerde e huere Hunger hae wewer zrugchaeme;-) Nit dass ich da jetz uf eswas will aspile... Aebe ja dass waers wieder gsi. Ich verabschiede mich genau jetz und wellti natirli Zetscht mier numal haerzlich danke dass ich hie so zahlrich erschiene bi... Adede

Bäck iner Zivilisation

Im Outback gits ja scho gspässigi Sache. Wier heinisch mal genauer informiert wie schich di güete Australier öi tiehnt wieterbilde, anstatt irgend eswo jeni Kilometer ewäg va deheime in d Schüel z ga, chänensch gmietli der Radio astelle und derglieche tüe als würdisch eppis lehre. Weiss nit, aber Schüel uber Radio gängimer gar nit, de chasch ja nit emal ine Prüfige bschiesse. Uf wasch öi rächt stolz sind isch der Flying Doctor, da findusch fasch in jedem Ortji es Museum. Hei nisch de aber nit chäne uberwinde Gäld ver das üszgä. Was öi nu rächt komisch isch gsi sind mitsch in irgend emu Kaff eso Hot Springs. Wier hei de zersch nu dri welle ga bade, aber nah dem dasswer gmerkt hei dasch arsch heiss sind, heiwersus de lieber la si. Bevor wer ins Outback sii gfahre heiwer nisch zersch nu e Siessigkeit gegönnt. Iisch het en Australier agigä mu selle unbedingt emal binera Zuckerrohrplantage ahalte, so es Zuckerrohr abbräche und derna gniesse. Isch gar nit eso schlächt gsi.Aber äbe nah dene ganze Kuriositäte is de bi iisch am Ziischtag wietergange. Isch der letscht Tag mim Dietsche gsi, wier hei gegnosse. Am morge heiwer iische Wicked Camper zum Service miesse bringe, das isch eso en obligatorischi Sach wemu durch z Outback fahrt. Das isch de zum Glück öi nit eso lang gange. Der Mechaniker het nisch de öi nu agigä wier selle im Umfäld va Alice Springs z tierer Benzin Premium Unleaded tanke will anschienend d Aborigines afänge z billigera z schnüffle. Ja klar. Mit nöiem Motorel und weiss nit wasch susch nu gmacht heint, siiwer de zer negsch Tankstell gfahre und hei getankt. Natirli heiwer z billigera getankt, mu müess dii arme Aborigines öi bits unerstütze. Der Tagdurch siiwer de nu bits iner Mall va Alice ga shoppe und hei sogar es rächts Schnäpchen gmacht, hei 7 CD’s ver 35 Dollar geposchtet. Aber dementsprechend isch öi d müsig, ei CD isch scho im Chüder glandet und vane andre losewer apa gad eini. Nacheme deliziöse Nachtässe vam Red Rooster siiwer mal wieder eine ga billiarde. Der Abe heiwer de mit eme gmietliche Kinogang la üsklinge, sii The Love Guru ga lüege, isch nu witzig gsi. Nichtsahnend heiwer nisch güetglühnt ufe Wäg zum Van gmacht um ga z ligge. Aber de siiwer knapp dum Tod entrunge, hei dii pirschtlini heint Schwein kä. Ich hä ja scho bits Vorurteil gägenüber de Aborigines kä, willsch halt äbe scho zum Teil rächti Fracks sind, aber nach dem Erläbnis häni endgültig gnüeg va dene. Hent nisch doch nit 2 chleini Abos, seiti nit uber 12 jährig, wa appa bits z vil Benzin gschnüfflet hent, mit dem Tod gedroht wewer ne nit eppis z röike gäbe. Wier hei scho va era ander Schwiizeri mitvercho dass Alice rächt kriminell siege, dera heinsch z ganz Gwand wasch zum trochne üsgheicht het kä geklaut. Aber gad eso. Nach der Attacka heiwer nisch de mim Van bits va Alice entfährnt um e bits imere sichere Umfäld z ubernachte. Nacheme churze Zwischestopp bim Flughafe siiwer bim Museum fündig worde und hei de da e rüehigi Nacht chäne verbringe.Nach dem wer de Jeffrey am Mittwoch morge bim Flughafe üsagschosse hei siiwer de endli wieder emal siet langem eleinzig unerwägs. Ufem Wäg zu iischem negschte Ziel Coober Pedy heiwer alli CDs im schnälldurchgang durchglost und da het schi eigentli nur d Reggaemüsig als wares Schnäppchen herüsgstellt. Uf z Malsch het schi de öi iischi kaputtig Box mit der schwungvoll Müsig derzüe entschiede wieder z funktioniere. Unmittelbar nach dem wer im nöie Staat South Australia sii igfahre gsi heiwer nisch va iischem mitgebrunge Gmiess und Obscht verabschiedet. Hie z Australie darfsch kei Fricht und Gmiess uber di Gränze mit nä willsch eswas Problem mit Frucht Fleige hent, kei ahnig was genau z Problem isch. Aber hie tiehnsch nu gäre hochi Büesse verteile, bis zu 2500 Dollar, und wier mit ieschum Glick heisus nit welle herüsfordre. Nach dem chleine Zwischestopp siiwer de wieter Richtig Coober Pedy, z einziga wawer uf dem eitönige Wäg gseh hei sind es paar wildi Hind gsi. Z Coober Pedy sälbsch siiwer de es paar Gebäude und Chirche ga alüege, isch nu rächt cool, da sind rächt vil Gebäude unerirdisch ine Mine gebuwt. Iner Stadt findsch öi uberall Opal zum chöife, willsch aber tüsigi Opal Mine in der Gägend heint. Wier wa z Gäld hängi hei nisch de aber gli keine köift. In der Stadt hets öi nu es paar rächt fründlichi Abos kä.  Schii hent apa wieder mal bits z vil gschnüfflet kä und heint sogar mit Stinkefinger um schich gschosse, aber äbe sind ja nit alli eso. Nach dem agnähme Erläbnis siiwer de nu es paar Kilometer wietergfahre und hei de ischers Lager kei ahnig wo üfgschlage. Das isch d erscht Nacht gsi was eso richtig Chalt isch worde und wer gmerkt hei, dasch hie z Australia wirkli öi chalter Winter heint.Am Donnschtag heiwer de eigentli nit vil gmacht üsser es paar Kilometer kleppft um wieder bits ine Zivilisation z cho. Ufum Wäg siiwer mal schnäll 5 Minüte z Woomera gsi, was emal e Raketeabschussbasis het kä, aber susch öi nix. D erscht Zivilisation heiwer de wieder z Port Augusta gseh wawer de schnäll es paar Sache sii ga ichöife, uneranderum mal wieder bits Alkohol. Äh mal eso e 4 Lieter Wiikarto müess mu schi fasch gönne. Wenn dass ischii Urgrossväter gsängi wasch hie ver Fussel an Wii verchöifent. Gschlafe heiwer de dii Nacht zwische Orroro und Peterborough, gopf äs wird immer wie friehner chelter und chelter.D negscht Destination isch Burra gsi, da gsehts üs wie bi isch im Flachland sind eifach 50 Jahr hinina dri. Uberall want glüegt hesch nur Schaf, Pürlini und jeni Ruine. Wier als Wii Gniesser sind de wieter ins Barrossa Valley wasch anschienend rächt güete Wii produzierend, heinu de aber nit sälber degustiert wills 1. z tier und 2. vil z nobel wäri gsi. Also vil Räbe hets ja da scho kä, aber kei ahnig wa schii da es Tälli hent gseh. Gad uf beide Siite hets chliini Hüggla kä aber va Tal kei Spur. Nach der Enttüschig siiwer wieter nach Adelaide wower nisch de mal wieder es „richtigs“ Näscht und es Tüschli iner Jugendherberge gegönnt hei. Churz dervor heiwer nu Schwein kä dasswer kei Büess vercho hei, iischi Parkziet isch gad abgluffe und di Bulle hent emel öi scho presänz markiert. Aber emal därfe öi wier Glick hä. Nah demwer iischi Akkus iner YHA üfglade hei und churz im Internet sii gsi, heiwer nisch ufe Wäg gmacht um Adelaide unsicher z mache. Zersch siiwer üswärts ga z Nachtässe, also eppis anders als der MC heiwer leider nit gfunde, und hei derna öi nu e Sprung ins Kasino welle ga, aber hei nur welle ga ilüege, kei angscht. Da heinsch nisch de leider nit igla will iischi Schüeh leider z wenig geglänzt heint, aber wenn di gwisst hängi, dass wier potenzieli Verlierera si, hängis apa anersch üsgseh. Aber umso besser. De siiwer de halt in d negschtusch Bar es Pierli ga trieche und e Partie Pool ga spiele. Ufum Heimwäg zer YHA heiwer de nu jeni misteriösi rotschimmrendi Nachtclubs gseh, säg eine nachum andre. Bevor daswer sii ga ligge heiwer nisch nu e Partie Pool gegönnt. Nachera mal wieder warme Nacht heiwer de leider scho wieder miesse üsschecke und hei ische Trip vortgsetzt. Bevor wer Adelaide, also nit gad e schöni Stadt, verlah hei, hets nisch nu ind Haigh’s Chocolat Fabrik verschlage. Di gfiehrte Toure sind leider alli üsgebüecht gsi sodass wer nisch mit dum Chöif va der tierscht Chocolat wani je gmacht hä, hei miesse begniege. Aschliessend siiwer uf d Adelaide Hills wawer ine Wildlife Park si gange, da heiwer mal wieder paar lebändigi Känguruhs gseh und sogar gfüettret. Z Highlight isch de natirli z Foto mit eme Koala gsi. Nach dem churze Bsüech siiwer de nu ufe Gipfel vam Mount Lofty wawer e schöni Üssicht uf Adelaide hängi kä, äs isch de aber leider bewölkt gsi und het grägnet.Churzi Ziit siiwer de ohni Orientierig iner Gägend umcha gfahre bevor wer nisch de in Adalgate verpflegt und nöi orientiert hei. Der negscht Stopp isch de scho Cape Jervis, iner nechi va Kangaroo Island, gsi, wower nisch churzerhand entschlosse hei en Tagestripp nach Kangaroo Island z büeche.Nachera wietere chalte Nacht bim Lookout va Cape Jervis is de öi scho uf d Insla gange. Uf Kangaroo Island heiwer de mal bits abwäxlig in Sache Tierwält chäne bestühne, wier hei Seerobbe und Seelöwe gseh. Nacheme super Lunch heinsch da nu eso e chliini Vogelshow präsentiert wa gar nit eso schlächt isch gsi. Ufer Insla siiwer de nu eso es paar Schgajie ga bschowe wa durch de Wind und der Sand abgschliffe sind worde, di sogenannte Remarkable Rocks. Im spätere Verlöif vam Tag isch de z Wätter öi bits besser worde nach dem dass der ganz Tag meh oder weniger grägnet het. Wieder zrug vam Trip heiwer nisch nu e chliene Imbiss bime Pub welle gönne, wa de aber leider scho züe isch gsi, will Sunntag isch gsi. De heiwer nisch halt va Toastbrott und Zwieble miesse ernähre, isch gar nit so schlächt gsi. D Nacht heiwer de wieder bim Lookout verbrunge wills halt eifach scho z dunkel isch gsi ver wieterzfahre.Victor Harbor isch am Mäntag ische erscht Zwischestopp gsi und wier hei gmerkt dass nur nu 6 Wuche geit.  Da het mu z Füess zure chliine Insla chäne löife was anschienend chlieni Pinguina heige, wier sii um di ganz verflüecht Insla getschalpet und hei kei einzige gseh. Das sägensch apa nur eso dass uberhöipt emal eine uf dii Insla geit. Derna siiwer de jedefalls wieter nach Naracoorte wower nisch nacheme schoene Ubernachtigsplatzji umglueegt hei. Binera Rest Area iner nechi va Naracoorte siwer fuendig worde. Bevor wer hiner z choche sii gange heiwer nu ischers obligatorisch Fueessballtraining absolviert, wier tie gwenli churz vor der Dunkelheit nu bits iischi Fiess biwege und bits jongliere. Z Nachtaesse isch de mal wieder super gsi und nacheme Fierabepierli heiwer der Abe mit gmietlicher Muesig vam Peachi la uesklinge.Am Ziischtag am Morge siiwer z Naracoorte so in e Hoehli, namens Wet Cave, gange, wa de oei sehr interessant isch gsi. Nach dem wer gseh hei dass mu ver das eigentli haengi selle zahle, heiwer nisch de sehr schnaell uesum Stoeib gmacht, will gezahlt ver der Sch..... haengiwer sicher nit. Z Dunkeld siiwer de schnaell ind Information ver Infos uber de Grampians National Park ga z bsorge und hei de da per Zueefall nu es paar oeffentlichi Tuschine gfunde. So e flotti warmi Tusch isch de wiederemal es Troeimli gsi, emel ver z Kegi. Dii Sau isch eso lang am Tusche gsi dass ich de nur nu chalts Wasser hae kae. Im Grampians NP siiwer de nu am glieche Tag ufe Mt. William, hei The Balconies und soagr es paar Reh gseh und hei nisch bim Ranger en Campingbewilligung gholt. Geschter heiwer nisch im NP nu e chlieni Abwäxlig gegoennt und sii Adventure Minigolf ga spiele, isch nu witzig gsi, isch eso en Park mit Kunstrase und jenschte Hindernisse gsi. Das isch de eso gueet gsi dasswer gad 2 mal sus hei durchgspilt. Nach der taeglich sportlich Aktivitaet siiwer wieter uf Port Fairy, ufum Waeg siwer de nu eswo ine Aldi ga ichöife. Da heiwer richtig zueegschlage, emal billigs Pier und Schnapps ver de 1. August geposchtet. Z Port Fairy heiwer nisch z Nacht ubergita und hei de leider nit da chaene bliebe ver z ubernachte will der ganz Ziet di Bulle sind umchagfahre. De heiwer halt mal wieder iner Dunkli nach Warnambool daerfe fahre und hei de da bime Lookout, wiet ewaeg vam Stadtzentrum ubernachtet. Ufem Waeg dahi heiwer nu fasch e Fux agfahre.Hitu morge siiwer voller Hoffnig uefgstande ver Wahla z gseh, hei de aber leider keine gseh. Warnambool siige aebe anschienend dii Wahlmetropola. Nach der ernoeit Enttueschig siiwer vorer es fruscht ichöife ga mache, hei nisch es paar Hose va 12 Dollar gegoennt.

Sodeli isch mal wieder bits e lenger Text, aber weni mal afa schriebe, de chani fasch nit uefhere. Ah iischi Vorbereitige ver de 1. August loeifent uf Hochtoure, maeche es hueere Faescht.

Outback-nix cha nisch uefhalte

So ich bis mal wieder euwe Kevin, und tarf euw wieder mal eswas verzelle.
Am letschte Sunntag siwer stah geblibe..ja an dem Tag isch nit vil gluffe. An dem Abe siwer nu so mime gfiehrte Partybus va Pub zu Pub, es flotts Abschlussfäschgji ins Cairns. Am Nahtag heiwer endli ische Wickedcamper chenne abhole. Wiener ufe Foto gseht heiwer nit annersch chenne, alsne wieder Shitbox ztäufe, obwohl wer mit der letshcta nit so erfolgrich si gsi….Zgeila isch der SHITLER wo ufum Van drufgmalete isch…passt natirli güet, will wer ja en Titsche, der Jeffrey, vo Cairns bis uf Alice Springs mit isch hei;-)!! Na der Abnham is ine negscht Supermarkt gange wower nisch ver tnegschte Taeg igideckt hei… Und nachher is de los gange..der negscht Versüech mit eme Van durch Australie zfahre!
Si de nimme wit gfahre der Tag, bis zume Freecamping iner nechi va Cairns. Da acho isch de dum Beni swe zicho dasser schini Kamera iner Jugenherberge Zcairns het la ligge. OK….am Nahtag de halt wieder zrug uf Cairns, Kamera abhole und de siwer ab dri ins Ouback.

Da fahrsch es paar Km, bisch eigentli nu nit eso wit waeg vaner küschta und de bisch scho mitten im Nichts. Isch nit emal so hüere intressant durch Zoutback zfahre. Zmeischta isch eifach numme troche. DVegitation ändrut schi nu ab und züe. Sie isch gar nix gsi, ab und züe hets nu vellig viel Beim kä, de mal es paar Higel und Felsformatione. Isch also nu abwaegsligsrich gsi. Alli paar Km liggung toti Tieri am Strasserand, am meischte Kangaroos, aber eu Chie, Vegel Schwi und wer weiss vili eu Mänsche…will summs hesch de nimme wirkli chenne identifiziere. Mal hesch 1 Hälfti vaner Chüeh swo gseh und de es paar Meter witer isch de tnegschta cho. Nit Hibsch zum Teil! Was der eu nit gat unbedingt Müet macht sind di Autowracks wo aner Strassesita liggent. Di Benzinprisa schiessent eu vellig ine Himmel..aner Chueschta hesch so zwische 1.60 und 1.70 gezahlt und in sume Tankstelle im Outback zahlsch bis zu 2.30.
Am erschte Tag siwer 600 km wit ghöntret. Bis uf Charters Towers siwer so ufeme Näbe Highway gfahre, also Tstrasse sind sozsäge nit gat so der Hit gsi. Zum Teil numme 3m breit. Isch hüere güet wenn der die Road Trains entgäge chämment, dass sind gigantischi Lastwäge wo bis zu 55 m leng sind, de müesch uf dene 3m Strasse näbs der Strass ahalte. Und vo dene chämmenter nit zwenig entgäge..also nit ganz ungfährlich! De siwer de äbe am erschte Tag nu ins dunkla cho wills wer nu bis zer negscht Raststätt si cho. Zwar numme e Viertel Stund aber isch nisch nit so ganz wohl gsi..wenns dunkel isch sind halt nu gäre di Kangaroos ane oder leider gottes eu ufe Strasse. Aber isch de emmel güet gange und hei de iner nachi va Charters Towers, zFletcher Creek, ubernachtet.
Am Mittwoch morge mittsch iner Stadt im Van, rächt idyllisch gsi, gfrüehstuckt und de ins Infocenter. Isch unglaublich wie freundlich dasch uberall sind in dene Infocenter. Da schaffent meischtens Pensionierti und wenn nachehr üssa chunnsch hesch fasch e meter hoche Stapel Prospäkti iner Hand, willsch der da lls in Thand trickent, eu wennt numme frägsch wo znegshct WC isch!
Nach dem siwer witer uf Towers Hill, Pentland und de uf Richmont. Alls so hüere Käffer wos vili gat en Tankstell het und es paar Hitjini. Zrichmont heintsch en künstliche See kä, siwer natirli e rundi ga schwimme zer Erfrischig, will äs isch hüere heiss gsi. Na Charters Towers isch zmal keis Wolki meham Himme gsi und äs isch sofort heisser worde. Nachher siwer de nu e Stuck witer zer negscht Rest Area.
Am Donnschtag isch znegscht Ortji Cloncurry gsi. Zershc siwer so ufe chleinere Lookout und si de nichtsahnend witer gfahre bis wer zmal e Sirena hiner isch kehrt hei. Prompt het nisch de di Polizi aghalte und Zbeni het de terfe blase! Zbeni het zwar e hüere Chnelli kä, aber das Grät het eswie nit funktionagletJ Nei hei de ohni Problem chenne witerfahre.. Güet zwisse dass sogar am Arsch voner Wält dine Freund und Hälfer immer zur Stell isch. Die mächent hie wenigschtens epis, nit so wie bi isch;-)
An dem Tag siwer de nu uf Mt. Isa cho, da hets mal wieder meh Zivilisation kä, ganzi 20000 lit wohnent da. Isch nikt vil zgseh gsi üsser riesige Chupfer, Zink.. und weiss nit was fer Miene. Zume Stausee siwer gfahre wo halblääre isch gsi, wills irgendeswie sit 3 Jahr nimme richtig grägnet het.
Am mabe bi ner negscht Res Area siwer warschinli uf teinzige unfreundliche Australier getroffe wo ni hie afa gseh hä. Es alts Ehepaarli het nit welle dass wer näbs ine campiere willsch Angscht heint kä, dasswer zvil Lärm mache..unsympathisch säg ich euw.
Am andre morge üf und de witer uf Cammooweal, Threeways und nu uf Tennant Creek. Luet ischum Aussikoleg va Brisbane sige da mal en Moerder umcha gsi wo ab und zue mal 1,2 Tourischte uner Taerde gebrunge heige. Aber dem siwer gluecklicherwis nit begaegnut..isch warschinli eu scho es hues witer. Ztennant Creek heiwer zerschmal so uf richtig vil Aboriginies getroffe..also ich cha mit den nit vil afa. Die heichunt nur munand und so leid das mer tuet... eine isch haesslicher wa der andru. Ich verstah dasch di hie nit so wirkli gaere heint...
Da heiwers de nit tspat gsehs kae und si de nu ze Devils Marbles. Sind Granitsteina wa zum Teil ufenander gstaplet sind mittsch iner Landschaft, het nu hibsch uesgseh..der Sunneunergang, wower de hei taerfe miterlaebe isch en troim gsi.
Am negschte Tag siwer na 5 Taeg und fasch 3000 km wilder Fahrt in Alice Springs acho. Eu da wimmlets numme wa de igiborene..Aber technisch sindsch nisch da vellig vorues..cyberschisse heintsch in Alice. En wahri Freid isch dass. Di Tiri wird natrili elektisch, per Chnopfdruck geffnet, geisch i, de schliesst schi die Tiri, de wirsch haerzlich begriesst und saegenter was sollt mache.Nachher chunnt entspannundi muesig. Na dem alls erledigt isch, muesch thaend uner tspinna hae, de chunnt wasser und aschliessend waerdent thaend nu automatisch getrechnet und zer gliche zit spielt schich zWC nu vo saelbscht. Zum Abschluss wirsch natirli verabschiedet und de geit di porta wieder uef..super sach isch das.
Wies der Zuefall eu so will siwer nu uf altbekannti Titschi vo Cairns getroffe. Spaeter siwer de eu scho wieder witer richtig Eyers Rock,will das sind eu nu stolzi 400 km Fahrt.,. Bi Erldunda(Abzweigig zum Eyers Rock) heiwer de ischi Zaelti uefgschlage.

Bevor wer de am andre Morge zum Eyers Rock si, isch nisch nu es chleis Missgschick passiert. Es paar Km vor dum Uluru hets suscht nu so en grosse Stei, der Mt. Connor und wier Goicha hei scho gedeicht dass si der Eyers Rock und hei kehrig Foto gmacht..dem war dann halt nicht soJ! Iner Nechi vam Rote Stei hets suscht nu paar Steina wa mitsch im Gagga staehnt.. eu di siwer ga aluege, isch eu raecht idruecklich gsi. Und endli...2h spaeter siwer vor dum huere Stei gstande..e Chindheitstroim isch in Erfillig gange!! Der Petrus het de eifach nit welle dass ver der Stei erklimme. Der Wind isch zstarch gsi und darum heintsch alls gschlosse kae... niedergschlage heiwer nisch der mit zfriede miesse gae, mal umundum zloife. Das het de 2 Stund in Aspruch gnu. Am mabe heiwer nu der Sunneunergang bim Stei gegnosse und nachher zum Eyers Rock resort. Da hets de eu Tusche kae und so na 4 Taeg ohni isch das en wahri Wohltat gsi...isch de eu afa Zit gsi, tfiess sind scho richtig schwarzi gsi.
Geschter siwer nu zum Kings Canyon. Ich saege euw da isch der Grand Canyon en Draeck dergaege...so um die 3 stunde am wandre siwer da gsi und langsam chasch ga want willt triffsch uf eper want scho kennsch. Eu da siwer numal ufi Titsche va Cairns getroffe. Ja und hitte halt wieder zrug uf Alice Spring will der Jeffrey more va hie witer uf Brisbane fliegt. Ich und Zbeni reise more richtig Adelaide.

Der zweit Aloeif

Sodeli, wier fühle Säck mäldenisch emal wieder. Momentan siewer nu gad z Cairns und more versüechewers wieder bits wieter z cho. Ver das heiwer nisch e Wicked Camper gmietet mit dem wer der ganz räschtlich Wäg wärde versüeche zrug zlege. Va dene fahrent hie zimli vil umcha. Das sind so ganz üsgfallni Vans wasch mit irgend eme hüere Scheiss beschriftent, wier hoffe jetzt mal dasswer e pinke Van verchäme. Aber äbe sowiet is ja nu nit. Wier hei wieder mal zimli vil während de letschte Täg därfe erläbe und erfahre. So het schich zum Biespil herüsgstellt dass d Lunga vam Kegi z fühl isch gsi mit dum Körper z waxe. Aber uf das chumi nu zrug.
Bevor dass wer nisch de öi uf de Wäg Richtig Cooktown gmacht hei, siiwer nu ga Proviant poschte ver d negschte paar Täg. Wier hei nisch während der Ziet nu rächt gsund ernährt, was wier eis Fleisch und Gmies kocht hei, e wahri Freid. Und de is de öi scho los gange. Zersch siiwer d Mossman Gorge ga alüege, das isch so der Afang va ischem Naturüsflugi gsi. Isch e chlieni Schlucht und es Bachji gsi, nix eso hüere speziels, aber der Naturfreak Tobias het schich va dem voll la fasziniere. Z Kegi und Ich hei sus de öi rächt schnäll gsehs kä. Ih was da eis Touriste het kä, dii chlapprunt appa eifach jedi Sieta va ihrum Reisefiehrer ab gad daschus gseh hent. Güet wier sii ja eigentli nit vil besser, aber regunt nisch gli immer üf. Wills de öi scho nit z spat dunkel isch worde heiwer nisch es flotts Campingplatzji gsüecht. In Daintree Village siiwer de fündig worde, isch es gmietlichs Platzji am Fluss a gsi. In dem Fluss hensch tagdurch Toure wosch Krokodili füettrent, also rächt gfährlichi Sach. Z Nacht heiwer nisch de feini sälbschtgmachti Hamburger kocht, das zum Thema gsund. Nei aber susch heiwer nisch gsund ernährt. Mit es paar Pier, eme flotte Fierli und eme intressante Gspräch mit eme Aussie üs Byron Bay heiwer der Abe gmietli la üsklinge. Am negschte Tag siiwer de wieter Richtig Cape Tribulation. Da isch eigentli nit eso eppis üsergwehnlichs gsi, het schöni Stränd, schöni Rägewälder, halt wieder Natur, isch bits uberall z gliecha. Da wier en 4WD Chare hei kä siiwer durch de Bloomfield Track wieter richtig Cooktown. Der Pfad fiehrt durch de Rägewald und geit nitschi und obschi. Isch voll der holprig Wäg gspickt mit es paar Flussuberquerige wiemu schi üs dum Fernseh kennt. Also ohni 4WD hängisch da kei Chance ver durch z cho. Wier hei eifach immer ghofft dasswer ja niena e Panna hei, will da bisch jetzt wirkli im nirgends gsi. Zwische Cape Tribulation und Cooktown heiwer de in Bloomfield nacheme billige Campingplatz gsüecht und hei nisch nachera Beschäftigung in so eme Kaff umglüegt. Also gad vil hensch nit zer Üswahl kä. Schlussendli heiwer nisch de bim Fische wieder gfunde, ja das isch nu z interessantasta gsi. Der Bsitzer vam Camping het nisch jedem e Stuck Schnüer mit eme Hagge und eme gfrorne Fisch in d Hand getrickt und de heiwer nisch ufe Wäg gmacht. Also gad geboreni Fischera siiwer nit wirkli, darf mu fasch gad gar nit verzelle. Zrug cho siiwer nur nu mit 2 Schnier und keinem Hagge. Doch was isch passiert. Wier hüere Göicha hei d Schnüer ins Wasser gworfe und hei de d Rolla va der Schnüer uf de Bode dargleit und hei bits gmietli mit enander gredet. Wier hei doch nit dermit grächnet dass da uf z mal eppis chänti abiese. Jedefalls het de bi mier epis agebisse und mieni Rolla isch ins Wasser kiet, da in dem Fluss Krokodil dri sind, heiwer schi nime chäne zrug hole. Der Hagge vam Kegi het schi eswa festgebisse und mit dem vam Tobi isch z gliecha passiert. Mit era ernüchtender Bilanz siewer de zum Camping zrug und hei de halt miesse Fleisch anstatt Fisch choche. Super Nasi Goreng hets gigä. Ah dum Bsitzer heiwer de eifach gseit dass e hüere Fisch dra sii gsi und d Rolla nisch üser Hand sii kit, Notlüge. J Am Abe heiwer de nu bim Bsitzer der letscht Match vam State of Origin chäne lüege wa de öi Queensland gegwunne het.Bevor dasswer de am Donnschtag wieter si het nisch de der Campingbsitzer öi nu der Üspuff vam Auto wieder agschweisst, d Haltrig isch durchgroschtet gsi, wie gseit, dii Liet hie sind eifach vil z fründlich. Nah der churz Reparatur siiwer de wiiter uf Cooktown. Churz vor Cooktown isch eso e riese Bärg üs lüter schwarzer Steina gsi, het derna üsgseh als hängisus epper agmalt. In Cooktown sälber siiwer churz uf Grassy Hill, Hügel mit Üssicht uf z Meer, und derna heiwer e nöii sehr attraktivi, strengi Sportart därfe üsiebe, Bowls. Isch nu witzig gsi, aber häsus leider absolut nit im Griff kä, aber ufe Fotos gsehts nu professionell üs. Z Nacht heiwer nisch de feini Röschti mit vil Chäs kocht, isch super gsi.In Cooktown siiwer eigentli nu rächt sportlich gsi, sii nämli am Friitag morge ufe Mount Cook gwandret. Der Bärg isch so zirka 450 Meter hoch und obina hesch e herrlichi Üssicht. Z Kegi und ich heis de aber wieder mal rächt schnäll gsehs kä. Nach dem Morgesport siiwer de nu bits wiiter nördlich gange wower zersch d Endeavour Falls sii ga alüege und derna nu wiiter uf Hope Vale. Hope Vale isch so en Aboriginal Community wos Couloured Sandstrand het. Isch nu rächt cool gsi. Da hets eso Hügla nur üs Sand wa verschiede farbig sind, het hibschi Fotos gigä. Isch es tröimli gsi. Nah dem chliine Abstächer in Norde siiwer de wieder zrug Richtig Mt. Carbine gange. Ufum Wäg heiwer e chliene Zwischestopp bim Byerstown Range Lookout igleit um es Apero z näh und dum Auto e Verschnühfpause z gä, z El isch bits heiss worde. Derna heiwer sus bits provoziert, wier hei e Tankstell üsgla will wer üsgrächnet hei, dass wer biner negschta nu chäne ga tanke. Unerwägs heiwer uf z mal bits Angsch kä dass doch nit längt, si sogar im Neutrale e Bärg ebri gfahre. J Mit 0,8 Liter nu im Tank siiwer de biner Tankställ acho, hei sii wier froh gsi. Nach dem chleine Erläbnis siiwer ufe Gratis Camping gange und hei feine Riis und Chippollata mit Salat kocht.Z Mareeba siiwer am Samstag schnäll ins Internet gange und derna wieter uf Kuranda. Kuranda isch e flähte schiess dräck. Isch zwar scho nu e schöni Gägend mit eme grosse Wasserfall, aber isch nur ver di Touriste gmacht. Wier hei nisch gfrägt ob ächtig da uberhöipt epper wohnt, nur Souvenir Shops, chliene Zoo und e Luftseilbahn ver de Rägewald va obina z gseh. Aber di Luftseilbahn isch flätte wucher, di hängi appa uber 50 Dollar ver der Gspass welle. Nit z spat siiwer de ufe billige Campingplatz gange und heisus da nu bits gechillt, d wärmi bits gegnosse. Am Abe heiwer nu eis gjasst und de nit z spat uner.Am Sunntag siiwer de heil z Cairns wieder acho und hei nisch sofort uf d Süech nachera Unerkunft gmacht. Iner Jugenherberge heiwer de igecheckt und sii am Nahmittag bits z Cairns umcha gsi. Hei de z Sky dive ver am Mäntag nu gebüecht und nu bits ins Internet. Am Abe heiwer nisch nu e Kinobsüech gegönnt, sii ga Hancok mim Will Smith lüege, isch nu güet gsi. Aber hie isch z Kino wieder normal tier gägenüber Brisbane. (14$ : 6$)Am Mäntag morge siiwer de früeh üfsgtande ver ga z Skydive, wa de leider nit stattgfunde het wägem Wätter. Der ganz Morge siiwer de im Internet gsi und hei nisch da bits vertwellt, ich hä eh nu miis Englisch Assessment miesse mache. Am Nahmittag heiwer bits Gäld locker gmacht und sii bits ga shoppe, hei je es paar Badhose geposchtet. Nah dem Shopping Gang heiwer nisch mit dum Jeffrey getroffe, dass isch der Dietsche wa mit iisch uf Alice Springs reist, um ische Trip z plane. Am Abe heiwer nime vil gmacht, halt es paar Billiard Partie.Voll gspannt siiwer de am Ziischtag morge ine Töichkurs gange, der erscht Idruck isch scho super gsi, het Kaffee und Biskuit gigä und d Liet sind öi super fröindlich gsi. Am morge heiwer de chlieni Ifierig und Theorie kä uber z töiche. Während dum Mittagässe heiwer nisch de der fatale Medizinische Unersüechig miesse stelle wa de z Kegi äbe nit durch isch cho, wills anschienend schiis Lungevolumen z chli isch, hei eso en beschissne Puschtetescht miesse mache. Nach dem Ergäbnis heiwer nisch de entschiede, dass ich der Kurs gli mache und äs de eifach mit uf z Schiff cho schnorchle chunt. Am Nahmittag heiwer de d Üsrüschtig zäme gstellt und sii zersch mal ine Pool bits ga Sache iiebe. So Brilla entwässre, tariere, schnüffe, halt so was mu da macht.Was z Kegi während der Ziit het gmacht weisi nit, aber glöibe nix ratschigs. Am Abe heiwer eigentli nur churz üswelle, sii de aber schlussendli gli nu rächt spat und mit es paar Pierlini im Chopf ga ligge. Z Kegi het de schön chäne üsschlafe und ich hä ine Töichkurs miesse. Si zersch bits im Pool gsi und hei derna wieder Theorie kä. Nah dum Mittag hängi wer de im Töichshop mit Prozent eigeni Üsrüschtig chäne chöife, aber das wäri fasch Luxus und isch gli nu rächt tier. Derna heiwer de iischi Üsrüschtig gepackt ver uf z Boot und hei nu bits Theorie kä mit era Abschlussprüfig wani natirli ohni Problem bstande hä. Am Abe siiwer nime lang unerwägs gsi, sii schnäll eswo eppis ga ässe und hei nisch es Fiirabepierli gegönnt, da wer am negschte Tag früeh üf hei miesse.Wie gseit siiwer eppis vor de sägsche üf, willsch nisch churz später biner Unerkunft sind cho abhole. Nachera chliene Ifierig und eme Safety Briefing ufum Boot siiwer de Richtig Great Barrier Reef üsgfahre. Dii Fahrt het 3 Stunde gedührt und äs hent öi zimli es paar während der Ziit d Fischa gfüettret, z Kegi isch glöibi öi churz dervor gsi. Emal acho siiwer de öi sofort zerschtusch mal ga töiche, isch scho nu es komischus Gfühl gsi aber es güets. Zerschtusch mal e Hai gseh isch de öi rächt es unwohls Gfühl gsi, häs aber uberstande. An dem Tag heiwer de nur 2 Töichgäng kä und sii öi nit eso teif gange, appa nur so 12 Meter. Da wer nu nit zertifiziert sii gsi heiwer nu so Unerwasseriebig miesse mache und hei nit eifach chäne lostöiche. Nacheme erschte spannende Töichtag heiwer de am Abe mit 2 andre Schwiizer bime Pierli eine gjasset, wier hei natirli dominiert, dii Grüezini hent sus eifach nit im Griff. Da s am negschte Tag wieder früeh wiiter isch gange siiwer öi nit z spat ins Näscht.Ih ich bi sicher nu nie an mienum Geburtstag eso früeh gweckt worde, ze halbe sibne siiwer appa scho wieder zerschtusch mal im Wasser gsi. Das isch der vorletscht Töichgang als nit zertifizierti Töicher gsi, da heiwer nu so Notüfstieg und so miesse iebe, kei grossi Sach. Derna hets de es super Früehstuck mit Späck und Eier gigä. Mit frischer Energie siewer de öi wieder nit z spat ins Wasser. Und voila so schnäll chats ga und de bisch scho Open Water Diver. An dem Tag heiwer de nu ei Spass Töichgang gmacht, wawer zerschtusch mal ohni Instructor si ga töiche. De häni sogar nu e Geburtstagschüeche vercho und gsungu hensch mer öi nu, zu viel des Guten. D schwiizer und ich hei nisch de nu entschlosse nu der Adventure Diver z mache ver 150$, da chani jetzt anstatt nur 18 Meter 30 Meter töiche. Darum heiwer de am Abe nu e Nachttöichgang kä, hei isch das unheimlich, dü gsehsch so Haia und grossi Fischa um dich schwimme, gsehschus aber gli nit wirkli willt nur e Täschelampa hesch. Nach dem Erläbnis siiwer wieder nit z spar nieder.Am letschte Tag heiwer nu 2 Töichgäng kä und derna siiwer zrug uf Cairns gfahre. Der Töichkurs isch Hammer gsi und z ässe ufum Schiff isch öi super gsi, mim Wätter heiwer eifach nit eso hüere Glick kä. Hei Haia, Wal, Schlidkrote, Nemos etc. gseh. Am Abe siiwer de nu alli vam Kurs zäme ga z Nacht ässe und derna nu es bitzeli fesch ga fäschte. :)Hitu siiwer mit liechtem Nahtag üfgstande und hei eigentli gar nix gmacht. Sii nur bits gmietli iner Jugendherberge am umcha heiche. Am Abe heiwer nisch ver de Party Bus agmaeldet, da fahrensch di va Bar zu Bar und verchusch eso bits z trieche billiger.
Das waeris mal wieder gsi va iescher sieta. Wier maeldenisch va Alice Springs. See ya

Numal fascht es kaputts Auto

Jetz siwer scho wieder e stuck witer… und hei nu kei panna kä, also das mit meh glick chunnt nit schlächt!!

Letscht Donnschtag siwer stah plibe: Am morge siwer nit tspat üf, hei alls zämegrümt, es paar Sandwich gstriche und de heiwer der Palast leider miesse verla…sind 2 gmietlichi Täg gsi, wower so richtig verwennt worde si. Tnegscht Station het Rockhampton gheisse. Da hetz Tobi scho wieder e Famili kennt wower hei terfe nächtige. Da is de nimme so pompös gsi, aber en Billardtisch heintsch kä..
Znacht hets es richtigs güets BBQ gigä mit vil Fleisch und Salad. Der Abe heiwer mit es paar Pier und Billard la üsklinge. Am andre Morge siwer ze 5 üf, will wer nisch natirli tmeglichkeit ver der match zlüege nit hei la entga, aber ja , di göicha heint nix ubertreit…siwer halt wieder ins näscht. Am Tag durch hets nisch ine Crocodile Park zu the caves verschlage. Im Crocodile Park heiwer vellig es paar Fätzna va Crocodil chenne bewundre und in de Tropfsteihöhline isch eu nit schlächt gsi, paar Flädermisch gseh und sogar en kapälla heintsch da dri kä, wo schins vil lit heirate…was dene nit alls zichunnt! Am mabe wieder tiptop gässe und was natrili nit tarf fähle: Pier und Billard. Und en 5-tägige Täuchkurs , wower zCairns wärde absolviere heiwer nu gebüecht. Nachher siwer de lizensierti Profitäucher;-)
Am andre morge heintsch scho wieder kei match gezeigt. Hei de im Nachhinein gseh, dasch gar kei Viertel und Halbfinäl uberträgunt aber derfir fascht alli Gruppespiel..da müessi säge, super sach!
An dem Moge heiwer de Rockhampton name träneriche Abschied verla und si de Richtig Mackay losgezoge.
Iner nechi vo Mackay hets es so es Gebiet wos Wasserfäll het, da isch ische nexscht Stop gsi.
Si de da e schutz monant girrt, hei di unglaubliche Wasserfall pschäut und si da sogar ga bade…also nit alli, Ich( Kevin) hämer nit welle mini Genitalie abfrere, will eso warm is nit gat gsi..Später heiwer nisch es flotts Platzi ver zubernachte gsüecht und si de swo mitsch ines Zuckkerrohrfäld igfahre und heis nisch da gmietli gmacht.
Zum znacht hets wunerbars Thaicurry gigä…Das Tobi isch üsgrischtets unglaubli, da wäri jedi Fröi nidisch;-)!
Di Nacht hets zerschmal gheisse hie zaruschtralie, ime zält penne. Zbeni het wunerbar Platz kä, apa hiena und dana nu e halbe meter Spil..aber ich passe gat just drinna.Hängi gschider es paar Dollar me üsgigä, ver 20 chasch eu nit vil erwarteJ! Und zu allem Übel is de nu en arschchalti nacht gsi! Hä scho besser gschlafe…
Am nahtag siwer ine Nationalpark namens Eungella. Bevor wer der Natinalpark erkundet hei, heiwer zerscht en Campingplatz gsüecht und hei nisch da ignischtet.. nachher siwer de da biz umcha girrt, di schön Landschaft aglüegt nachher nu zume Lookout ame Fluss wo mu Plattypussa gseht (Schnabeltier). Leider isch da keis vo den rächt sältene Tier fircha cho (sind vellig schüchi und mkeischtens gsehsch schi numme am mabe oder am morge früeh) und de sämer zrug ga choche. Heint wieder mal arktischi Verhältnis gherrschtsi eu uf sagehafti 700 m gsi. Ver nisch ebiz üfzwerme, heiwer Holz zämegsüecht und es flotts firli gmacht ver es schutzi. Eu di Nacht isch nit gat berauschend gsi! Morge de zitig üf, wieder an e Lookout und de heiwer endli di hüere Schnaberltier gseh.. isch nu idrucksvoll gsi.
Iner negshct Destination, Airlie Beach is de endli wieder richtig warm gsi. Wie der name scho seit isch Airlie Beach am Meer a.. Isch e chleine voll touristische Ort mit Jenschte Booti und Ville. Isch mer biz wie Cannes oder Nizza vorcho. Also wirkli schön.. An dem Tag isch nimme vil gluffe, gechillt und nu ins Internetcafe und am mabe mal wieder richtig Üsgang. Wies nit annersch cha si heiwer da wieder di gliche Schwizer wower scho Agnes Water hei gseh, getroffe. Isch es flotts Fäschgji gsi…
Am Zischtag is de nimme so schnäll gange mit üfstah..alli biz nahtägige gsi. Schlussendli heiwer sde doch nu gschafft alles zämezrüme und de 12h n siwer ane Hafe ver ische 2-tägig Sägeltrip azträtte mit dum Racing Boot Samurai. Da siwer apa 4h Stunde am warte gsi..will nisch der vaner Travel Agency verarscht het. Hängli eigentli erscht am 4 miesse da si. Hei ja suscht nix bessers tüe..
Na der Tortur isch de zBoot na de 4 in See gstoche. 10 Persone und 4 crew Mitglieder. Und de sind di Hächte losgsäglet, isch e wahri Freid gsi, der Wind isch super gsi..Si de nimme so wit und hei vorere Insla agleit und zum Znacht heintsch es BBQ gmacht. Na dem wunerbare Ässe Sind de alli nit tspat ga ligge, segle sooo streng!
Isch nu es speziells Gfühl gsi ind dene chleine Betti und den ununerbrochne Schaukle. Aber Hei emmel wunerbar gschlafe. Am negschte tag isch de vellig früeh Tagwacht gsi und de is wieder ans Sägle gange.. aber nur bis zer negscht Insla. Isch unglaublich, Bi Airlie Beach hets um di 70 Insle, dene sägentsch Whitesunday Islands, tmeischte numme winzig chlei und natrili unbewohnt. Uf es Paar heintsch es paar Hitjini oder Resorts.
Äbe bi der negscht Insla siwer de ga schnorchle, isch nit schlächt gsi. Koralle und jenschti Fischa gseh..Nachher siwer zer negscht Insla, isch apa die Bekannteschta, tWhitesunday Island. Da siwer de an Land und hei die Insla pschäut. Der Strand isch sackgenial gsi, voll wisse Sand. Und Zwasser türkisblau (gsehder ufe Foto).
Am spätre Namittag siwer numal zure andre Insla gseglet und da hets äbe es Resort kä. Hei da es paar Pier getrüche und heshc chenne tusche und e Billardtisch hets eu nu kä….
Ja und de wieder zglich Spiltji: ässe, schlafe, üfstah, früehstuck, sägle, schnorchle wieder ässe und de zruggseglut uf Airliebeach. Also müess säge, isch e super Trip gsi, mal epis neus. Mim Wätter heiwer nit so Glick kä, isch meischtens bewölkt gsi..
Ja na dene ganze Segelstrapaze siwer nu zum negschte Ort gfahre, zu Townsville. Isch kei speziells Stadtji, aber da heiwer wieder swo chenne penne. Will Ztobisch Gastfamili da Kolege het. Super Sach, höiptsach so wenig wie megli in dem Scheiss Zält penne….
Da heiwer de leider nix zässe vercho, willsch numme eine erwartet heint..Ja de siwer mal so richtig ga italienisch ässe! Ver auschtralischi Verhältnis nimmi a dass das sackgenial isch gsi, aber ja wier si halt bessers gegwennt. Aber isch nit soo huere beschisse gsi!
Am andre Morge wieder früeh üf! Wier wärde hie nu zu vellige Früehaufsteher. Nachher heiwer mal wider richtig miesse ga ichäufe ver tnegschte Täg si nu schnäll uf es Bärgji emüf wo mu e super Üssicht het kä und si de eu scho wieder los. 50 km nördkich va Townswille hets e Nationalpark mit Camping und da siwer de müf gfahre. Da heiwer nisch e biz umglüegt nachher uf dene Camping, nisch es flotts Znacht kocht, Cordon Bleu und Härpfel (deliziös gsi) ja und de der abe gmietli la üsklinge und de mal einisch ga ligge.
Nachere witere komfortable Nacht in ischum 5 ½ Zaelt heiwer tszig wieder zaemegepackt und de is witer zerscht uf Ingham und de uf Cordwelle gange. Da het der Theater mit dum Auto agfange ( mal epis neus...)
Zmal hets nisch der Motor uberhitzt. De heiwer halt nahgluegt und gseh dass Zschutzblaech vam Venti isch grisse isch gsi und Zschutzblaech durch das ufe Venti isch cho und eso hets de di ganz ruschtig uberhitzt. De siwer zum negschte Mech..der het nix chenne mache, het numme gseit dass mu der ganz venti sellti ueswaegsle, aer heige aber nix da und eu kei zit. Undo so heiwer Zschutzblaech uessagrisse und gedeicht dass geit de scho und de miesse wer halt bim negschte Toyotahaendler luege was loift. De aebu wieder witer und hei de emmel kei Problem meh kae... Der negscht Ort isch de Mission Beach gsi. Da heiwer e flotte Camping am Meer a gfunne, hei nisch Tortillas gmacht und nachehr ins negscht Pub welle mim Auto. Ungluecklicherwis isch de das nit gange, will sobald en Gang hesch dri gita und hesch Gas gigae het der Motor numme durchgedraeht.. Zeinziga wo isch gange isch der Gelaendegang gsi.
Am nahtag haengiwer eigentli welle ga Fallschirmspringe, isch de aber nix gsi, will leids waetter isch gsi. Sunntag isch eu nu gsi..also kei Mechaniker het gschafft. Hei halt ins Dorf miesse tschalpe(6km) hei da biz umchagheicht und de wieder zrug. Am Mabe ufum Camping heiwer en Auschtralier kenneglehrt. Voll der krass Siaech. Isch irgendeswie tletschet 9 jahr numme am reise gsi iner ganz waelt. Mit ihm heiwer de nu biz gepierlinet... Durch das das aer Member isch bim RACQ ( so wie TCS) heintsch nisch de gratis abgschleppt zum negschte Mech. Da heintsch eu nit wirkli witergwisst. Teinzig Meglichkeit isch gsi, der Chare zum negschte Ort (Innisfail) abzschleppe wills da en Toyota Garage het. Ich und Zbeni hei de der Bus miesse nae und zTobi isch mim Abschlepepr mitgfahre.
Zinnisfail heintsch gseit mu miesse zganz Getriebe ueftue und halt luege was da los isch aber wuerdi um di 3500 fr choschte und mu chennes numme zcairns mache. Ztobi isch de halt verstaendlicherwis raecht niedergschlage gsi und het de probiert ne irgendeswo zverchoife. Eine het mu de gseit vili chaeufe aer ne aber wier selle am negschte Tag numal verbi cho. Alli halt raecht niedergschlage siwer zerscht epis ga aesse und nisch de nachehr swo es backpacker welle sueche. Ine chare igstige und de is ufzmal wieder gange..Wier si fasch zrug ufe Rigg kit und hei gat e schutz gibaetet;-) de heiwer nisch gedeicht wenn der Chare scho loift fahre wer diraekt uf cairns. Das het de emmel wunerbar giklappt. Ich und zbeni si de voll ines edel Backpacker mit Swimming Pool, riesige Betti, eigender Tusch und mime Pool Table ga ichecke.Ztobi het de in schinum chare gnaechtigt, Da heiwer de wieder Tschwizer getroffe wo scho zagnes water und zairlie beach sind gsi. Mit dene de Spaeter ine Uesgang und nachher mal wieder en herrlichi Nacht ime richtige Bett verbrunge.
Hitte morge mit neu gschoepftum Muet uef ha tusche und de leider scho wieder miesse ueschecke.
jetz gat vorer siwer hie int Toyota Garage, die heint gmeint schi chenne eu nit vil mache jetz wo der chare wieder tiptop lauft. Schi miessti halt di Ruschtig uefmache und chenne nit verspraeche dasch epis finnent. Und das choschtet halt wieder vellig epis.. Jetz fahrewer halt mal uf gut Glueck uf Cooktown und de am Sunntag oder Maentag wider zrug, hoffentli!! Ja und der fallschirmsprung maechewer apa de eu nu swe negscht wucha, je nach dem wies mim Glick uesgseht negscht WuchaJ!

Ja das isch halt jetz mal wieder en lengere text gsi..si halt nit gross derzue cho in letschter zit. Ich hoffe ier schlafet nit i bim laese...

Ab dri!

So schnäll chats ga bis wer nisch wieder mälde. Jetzt heiwer gad es herrlichs Nachtässe verspisse kocht va der Grossmüetter va der Gastfamili vam Schwiizer Kolleg va dem wahnisch mit schienem chare bis uf Cairns mit nimmt. Tehnt kompliziert, isch aber eso. Hei wieder epis erläbt hie z Australia.

Am Mäntag heiwer nisch de z erscht emal es Billet ver de Bus miesse organisiere, damit wer am Nahtag uberhöipt zrug uf Bundaberg hei chäne ga um da der Schwiizer z träfe. Das isch de gar nit eso eifach gsi, wills in dem Kaff kei gressere Busbahnhof oder eppis het kä. Aber zum Glück het epper anu düezumal z Internet erfunde. Derna heiwer nisch ufe Wäg zer Gararge gmacht um abzkläre ob mu mim Van nu eppis cha mache oder ob wirkli als verbie isch. Isch de leider nix meh gsi mit flicke. D einzig Möglichkeit nu eppis ver de Van z vercho isch gsi ne dum Besitzer va der Scooter Vermietig gsi. Da das eso en h..... Halsabschnieder isch gsi heiwer de leider öi nit eso vil vercho. Aber äbe, besser wa gar nix. Nah dem super Deal heiwernisch wieder mit de andre Schwiizer am Strand getroffe um da der letscht Tag in Agnes Water z gniesse. Hei bits am Strand ghängt und gitschuttet, isch gmietli gsi. Am Abe heinsch nisch de nu zure gmietliche Grillade iglade. Da schii scho z Ässe ubernu heint, hei de wier halt spontan es paar Pier geposchtet, nit dass schi lähr üsgähnt. Nah dum feine Ässe isch de nu epper uf di grandios Idee cho eine z schiebre. Am Afang heiwer nisch nu gedeicht moll, aber schlussendli miessewer säge, gopf chänent dii grüezini nit jasse. Erschtens siiwer z sägscht gsi, japapa, de heiwer ja mit dopplete Charte miesse spiele, japapa und de heiwer halt NUR französischi Charte kä. Ja jedefalls is de am Schluss einigermasse gange. Nach es paar Pier is de gli nu witzig gsi.

Am Ziischtag siiwer de früeh üse Fädre um iische Bus ze halbe sibne z verwitsche. Z Bundaberg de acho heiwer zersch emal iischers Gepäck miesse unerbringe. Der ganz Tag heiwer nisch de z Bundy bits vertwellt will wer ersch am Abe mim Tobias, äbe der Schwiizer, abgmacht hei. Sii bits ga shoppe, bits ga Pool spiele aber d meischti Ziet siiwer irgend eswo am umcha heiche gsi. Der Tag isch de leider nit eso schnäll verbie gange wiewer nisch erhofft hei. Nah dem interessanteschte Tag va iischem Trip bis jetzt heiwer nisch de mit dem Andre getroffe. Isch nu e gäbige Siech. Z Auto waner het isch eso en Jeep ähnliche Chare, isch nu easy. Das Pirschtli het öi alles im Auto wame brücht ver eso en Trip, isch sogar besser üsgrischtet als sus wier sii gsi. Nah dem dasswer de iischers Gepäck verfrachtet hei, sii wer de wieter zume Kolleg va im. Der wohnt binera Gastfamili und isch jetzt gad bald es Jahr scho hie. Jedefalls siewer hie üfgnu worde wie chlieni Herrgöttlini. Dii hent es riese Hüs und wier hei sogar es eigens Zimmer vercho mit eme riese Fernseh, see pics, und eme eigene Badzimmer. Nacheme chliene Nachtässe heiwer nu schnäll d Wäsch gmacht und sii de öi ga ligge.

Hitu am Morge heiwer nu der Match im Fern glüegt und de öi nit z spat üf. Hitu heiwer nu schnäll bits Campingüsrischtig köift, sprich es Zält, will z Auto z chli isch ver alli dri z ligge. Derna siiwer ane Üssichtspunkt gange wont d ganz Region chasch uberblicke. Z Mittag heiwer nisch de am Strand a gegönnt. Hei gmietli der Gasgrill ane Strand gnu und hei da gmietli es paar Steaks ubergita. Isch der Hammer gsi. Nacheme Glace siiwer wieder zrug und hei wieder es wunderbars Nachtässe ufem Tisch kä.

Sodeli das wäris emal wieder gsi va iisch Oz`s! More geits de wieter richtig Rockhampton, aber vorher lüegewer de appa nu der Match. See ya, ewe Benjamin

600 KM später, over und aus

Ich säge euw die purschte heint wieder es glick kä tletschte täg, das glöibent 3 eleinig nit. Ja am Zischtag heiwer ische super Trip gstartet…hei nisch zersch durch de Stau durch Brisbane miesse kämpfe und durch di ganze Vorerter.Z Beni isch gfahre, vili siwer eu wägs dem nit va tätsch cho… Si de darum nimme so wit cho, will ze 5 hets afa idunkle. Der erscht Stop isch in Moodooloba gsi, es chlis Kaff am Meer a. Na dem dass wer si acho heiwer es flotts Stuck Fleisch uber geta anere öffentliche BBQ Stell. Derna heiwer de es Pub gsüecht, hei de nit wirkli epis gfunne und so siwer de nit tspat ga ligge.
Am andre Morge siwer de mitsch inere Baustell erwacht, aber hei de ohni Problem chenne wägfahre. Tnegscht Destination wawer agstiret hei isch Noosa gsi, isch es schöns Dorfji aber ehner epis ver Richeri, si biz ga bummle, ga surfe und de ane Sunshine Beach ga plantsche. Und de siwer eu scho witer gfahre uf Maryborough. Da heiwer de zerschtmal ische Gasgrill gebrücht, hei nisch flott es paar Spahetti uber geta…mmh fasch wie Deheime gsi! Später nu ines Pub ga Rugby(State of Origin, jetzt isch 1:1 zwische Queensland und New South Wales) lüege und es paar Partie Billard spile und de swe int Häija!
Morge früeh üf und de siwer wieder losgedüst richtig Hervey Bay, da siwer nur schnäll durchgfahre und int tnegscht Wältstadt wawer si igitrudlet het Bundaberg gheisse, da produzierentsch da der wältbekannt Rum, wer kennt ne nit! Vo da hängiwer uf Agnes Water welle, aber ja ische Van het halt nit wirkli Luscht kä. Uf halbum Wäg heder gottlos afa komisch tene, de heiwer gedeicht, njä apa mal zer negscht Garage, aber ja 5 minüte später het Shitbox eifach nimme witerwelle und de hets kläpft, gräuchnet und weiss nit was alls leida….Eswas Teilti vam Motor heiwer eu nu verlore und ja de siwer mitsch im Urwald gsi, keis Nätz, kei Mänsch, kei Fröjie, kei Liäbi, kei….äbu, si rächt am verzwifle gsi. De heiwer halt mal miesse probiere ob nisch eper hilft, z 2. Auto het de eu scho aghalte (das chenntisch bi isch vergässe…). De sind di zwei Hächte üsgstige, eine het es Pier iner Hand kä und der andre suscht es Gsöff, sehr vertrauenswürdig. Aber schi sind hilfsbereit gsi, heint sofort Tsach int thand gnu und dum Abschleppdienscht aglitet, de hets gheisse die Purschte „sellti“ in 2h aricke. 4h später sind der Kevin und der Benjamin immer nu am warte gsi. Isch de scho 9 gsi und halt stockfischter, aber en Laschtwage het emmel nu aghalte, die heinte nu mal dum gliche Lappi aglitet und de heintsch nisch de versproche dasch nisch am negschte Morge abschleppent. Naja, mit neuer Hoffnig ga ligge, morge üf..und de isch das Spiltji wieder vo vorna losgange, warte, warte und numal warte, gat dass wer das vam Militär gegwenti si. Gägs Mittag isch immer nu niemert da gsi…churz vorum verdurschte und verhungre heiwer nisch de entschiede ztrampe bis uf Agnes Water. Diz mal is de nimme so eifach gsi, isch de glich e Stund gange bis nisch de en jungi Fröji namens Emma afa e Stuck het mitgnu..der letscht Stuck siwer de mime andre mit und de siwer endli bi der super Garage gsi, wo nisch hängi selle abschleppe. Di heint de natirli va dem nix gswisst, aber gägs sagehafti 300 Stuz heintsch de ische Chare abgschleppt. Mim Chare acho iner Garage, isch die Diagnose gsi, tShitbox brücht en neue Motor, voila. Wiener cha das chennt vorstelle isch nisch das ebiz ztir und somit heiwer afa mal vellig vil Gäld üssum Feischter gschmisse (aber zum Glick spilt ja Gäld hitzutagsch nur nu en unbeditendi Rolla in ischer Gsellschaft) und ische Trip miesswer eu umplane. Aber zerschmal zrug was wer na der erschütterndu Diagnosa gmacht hei.Hei ischi sibe Sache gepackt und si ins negscht Backpacker gezoge. Da acho heiwer de endli mal wieder chenne tusche. Isch wirkli en Tröim in dem Backpacker, vil Platz im Zimmer, geili Umgäbig und alls isch wirkli super gmachts. Und eu der Ort sälber, isch zwar gar nix los , aber hüere idyllisch und geile Strand. Richtig zum entspanne.Am mabe heiwer nisch uf der Schreck eifach mal epis miesse gönne, si ines Restaurant ga fruschtässe. 350g Rumpsteak mit Crevette, der vittlaplut Wahnsinn. Später hets nisch nu ins einzig Pub gschreckt hie mit es paar Titsche wower hie hei kenneglehrt.Am Samstag ze 10 üf und de siwer mime Titsche zu der Garage gfahre, wosch nisch de äbu verkündut heint dass das vil zvil wird choschte der Van zrepariere. Und nachher witer zu schinum Chef, dem kehrt en Töffverleih und der het nisch de gseit dass er nisch ische Van vili abchäuft ver es paar Hundert Stutz (wenigschtens das). Am Namittag nu biz ane Strand ga bädele und ga tschuttele. Und am mabe heiwer nu ischers Surfbrett eme Titsche chenne verchäufe ver 170 Stuz.Am Sunntig heiwer en 1 Tages Trip uf tLady Musgrave gmacht,das isch en naheglägini winzigchleini Insla. Siwer zersch fascht 2 Stunde mim Böttli verüs gfahre. Isch vellig en Wällegang gsi und de het das Chotzgelage agfange. Vor isch het en 5 chöpfigi Famili ghockt, da het jede kotzt üsser der Vater und eu suscht heint schi es paar alles numal durch de Chopf la ga. Schöni Atemosaphera gsi! Da acho siwer de zersch biz ga schnorchle. Um di Insla rumherum hets es hüere Riff. Nachher Tinsla ga besichtige, ässe und wieder ga schnorchle. Hei sogar es paar Schildchrote gseh und der Nemo. Alo isch vellig idrücklich gsi.Am mabe häni es Sms vercho vare Schwizeri, wo eu zBrisbane iner Schüel isch gsi, Afa mal sige schi mit es paar andre am gliche Ort wie wier und 2. Heige schi swo annersch en Schwizer getroffe, der het eu es Auto und süeche nu Mitfahrer. De häni dem mal aglite und jetz träffe wer nisch more zBundaberg und fahre de mit ihm witer ver uf Cairns. Spare wer vil Gäld und ja isch intressanter wa mim Bus zreise….mal wieder es biz Gick kä.Ja und an dem Abe siwer nu mit de andre Schwizer nu e Sprung ins Pub. Jetz heiwer Sunntag und si froh dass tSchwizer doch nu swas gegwunne heint und entsetzt dass di hüere Türke sind witer cho,hüere Ärger. Später gäwer nu zu dum eintu vam Töffverleih und hoffe dass ver nu biz money verchäme ver ischi Schlätterchischta…Ich hoffe ischi Glückssträhna fäge jetz a und ier miesset kei unerfreulichi Nachrichte vo isch läse;-)Bis zum negschte mal, see ya

Das Warten hat ein Ende

So jetzt siewer nu es letschts mal in ieschum Guesthouse und sii scho agspannt ver iische wieter Trip. Jetzt heissts nu es letschts mal eso richtig eine ga topfe und de ab dri!
D letschte paar Täg hie z Brisi heiwer nu mal so richtig gegnosse.

Am Frietag siewer de nu es letschts mal in d Schüel gange, wower de öi iischers grandios Zertifikat vercho hei. Dasswer nisch nit uberta hei, siewer ze elfe mit der ganz Klass nu es Abschiedskäffeeli ga trieche. Am Nahmittag de nu e Stund in d Schüel und nah dem heiwer nisch dum tränerieche Abschied gstellt. Am Abe heiwer nu es chlies BBQ mit es paar Japsini kä, isch nu luschtig gsi. Nacheme churze Kasino Gang heiwer der Abe mit es paar Pierlini ime Pub abgrundet.

Am Samstag heiwer nisch de mit es paar alt bekannte üsum Wallis getroffe. Z Weissi und z Luki sind gad per Züefall öi iner Stadt umcha gsi. Sii gmietli zäme eppis ga trieche und hei de aschliessend nu es BBQ bi isch verastaltet. Nach dem gedigenu Nachtässe siiwer nit z spat in Stadt ver nisch e güete Platz z sicher ver de Match z lüege. Nach es paar Pierlini is de endli losgange. Wier hei rächt mitgfiebret und hei d Schwiizer agfiieret, aber hent nisch apa nit khert. Sind nu rächt vil Schwiizer gsi, de is nu witzig gsi. Der Portugal Match heiwer öi nu mitvercho und sii de afa ze sibne am morge deheim gsi.

Am Sunntag heiwer de ersch emal miesse üsschlafe und derna is hiner z packe gange. I hate it! Derna siiwer de mal wieder ind Stadt ver d Match mitzverfolge, z Weissi und z Luki sind öi wieder mit va der Partie gsi. Nachera bittera Niederlag vam Federer heinsch nisch de üsum Pub getriebe und hei de halt vorna ime andere Pub miesse ga d Füessballmatch lüege. D Östriecher sind ja gar nit eso schlächt. Da hets de leider öi kei Pier meh gä und de heiwer d Match ohni miesse mitverfolge. Das geit doch uf kei Chüehüt! Der Match va de Dietsche heiwer leider öi nu gseh. De heiwer nisch de wieder ze sibne zum Van gschleppt und hei flott üsgschlafe.

Geschter heiwer nisch scho am Nahmittag mit dum Weissi und Luki getroffe und hei zäme ime Pub, Steakhouse, emal wieder e flotte Schieber gjasst. Das isch es tröimli gsi mal wieder mit eme Doppelspiel chäne z jasse. Hei de bis ze niene Chartespieli gspielt und derna heiwer de langsam Hunger kä. Willsch de aber genau ze niene bim Steakhouse d Chuchi gschlosse heint, heiwer de mal wieder ine Subway miesse ga. Derna heiwer nisch getrennt um es paar Stunde ga z ligge und derna de wieder z träffe ver em morge früeh der Holland-Italie Match z lüege. Z Kegi und ich hei de emel nimme üf mäge, het mi gad fasch bits hert. Hängis gäre gse.

Ja hitu heiwer nime gross gleischtet. Sii nu es letschts mal in d Stadt ver eppis chlies z ässe und nisch va de andre Walliser z verabschiede.

Ja ich wellti mich hie an der Stell offiziell va Brisbane abmälde! Wier mächenisch auf den langersehnten Trip durch Australia. Wier wärdenisch so bald wie meglich wieder mälde.

See ya und gniesset di Ziet, also wier wärdes!!

A Hirsch

So, der Kevin tarf mal wieder epis verzelle. Ine letschte 8 Täg isch wieder vellig epis passiert, unglaublichi Sache säg Ich euw, ier wärdets gar nit glöibe. Wird cha vam Hocker risse…

Äbe ja fäwer doch am beschte mal mit dum letschte Mittwoch a: An dem Tag siwer zerscht mal ines Suschi Restaurant. Hei der Claes begleitet (Sweden Guy), da wer scho deheime hei gässe, heiwer dizmal numme züeglüegt. 14 Fr. müesch zahle und de chasch so vil ässe wient willt. Der Claes het de eu vellig igibige und wier hei nisch de vorgnu es tagsch de eu mal Suschi zässe. Am mabe siwer mal wieder ins casino, Ich hä 150 fr. gwunne und ja, Zbeni nitJ! Zerschmal iner Gschicht siwer nit ins Downunder, will wer gottlos hängi miesse astah.
Am Donnschtag siwer mim Wan ine Garage ver ne vorzfiehre, isch de leider nit durchcho, aber nur wägs Chleinigkeite. isch halt alles numme Gäldmacherie, isch alles rächt beschisse greglut hie. Ver Tregischtration müesch ne äbe vorfiehre obwohl tvordre Besitzer dass scho mal im Februar gmacht heint aber äbu ime andre Staat, in Victoria und jetz chasch da äbu nit eifach der Name wägsle, ver das brüchtiwer äbe en adräss in Victoria. Und so regischtriere wer ne halt hie, müesch halt wieder zahle. Isch miehsam jede Staat het ganz andri Regle, aber wird scho funktionagle bis zletscht…der ganz Namittag heiwer nisch de ab dem vellig üfgregt bis de dum Isaac afa isch zi cho dass är en Freund het wo Mechaniker isch..So wies üsgseht wird das jetz alles tiptop klappe mit der Regischtration und wier chenne endli uf Reise negscht Wucha, juhuuu…
Ja und nam Donnschtag isch de der Fritag cho. Am mabe heiwer zerscht big Party in Adalong kä und später bin ich und es paar ins downunder und zbeni isch mime andre Schwizer int Mustang Bar iner Valley, da isch Studänte Pary va ischer Schüel gsi. An dem Abe heiwer mal wieder es paar schöni Wuche erläbt und si de eu nit so früeh bzw. schpat ins näscht!
Der Samstag durch isch de e biz Hangover agseit gsi und am mabe endli mal wieder BBQ. Endli mal wieder es richtigs, dicks, saftigs Steak zwische die Bissera vercho, isch der vittlaplutt Wahnsinn gsi…Der drüffolgend Üsgang isch de nimme so üsschweifend üsgfalle, gmietli ines Irish Pub ighockt.
Am Sunntag heiwer nisch de ins Suschi Restaurant gwagt. Isch de eu gar nit mal so hüere schlächt gsi wiewer gedeicht hei, heis nu gäre kä. Aber eismal isch güet und de heschus ver e schutzi gsehs…Mit vollum Büch siwer de an dem Abe nu ga Füessball Match lüege, Australie gägs Iraq (1:0). Zniveau isch zwar nit so hoch gsi, aber tstimmig isch afa biz besser gsi als ime rugby oder afl match und Tstadion isch üsverchäuft gsi. Na dem mitrissundu Game hets nisch nu ins Kino verschlage, Iron Man ga lüege, isch nit schlächt gsi.Vil besser wa der Indiana Jones, vo dem Film bini scho vellig endtüschte…

Vo Sunntag bis Mäntäg heiwer grotteschlächts Wätter kä, zituwis sinflüetartige Räge, no nie so epis gseh. Ja und wägs dem hüere räge siwer de am Mäntag nit int Schüel, isch nisch znass gsi..Da das der letscht Tag vam Ivo(Swiss Guy) und dum Claes isch gsi, heiwer de am mabe nu chleini Abschiedsparty kä.. Züefälligerwis heint die zwei genau der glich Fleiger kä am Zischtag, Twält isch so chlei…Am Zischtag int Schüel, derna ga schoppe und am mabe siwer ines Pub ga pokre, jedi wucha heintsch am Zischtag und am Fritag Turnieri. Chasch gratis ga mitspile. Durch das siwer jetz Member bi der Australian Poker league, nit schlächt häh..:-)!
Am Mittwoch heiwer nisch en Jumpstarter käuft, da wer am zischtag der Wan nit zum läufe gibrunge hei, super Teil das, funktioniert wunerbar. Vili isch der ganz Räge biz Zproblem gsi, die Chäre sind eifach nit gmachti ver sottigs Wätter. Ja und de halt am mabe wie chas eu annersch si ins Downunder. Hei vellig eine durchgigä, will isch ja ische letscht Mittwoch im Downunder gsi..Zbeni isch so ze 3 Heim und ich bi de afa ze 7 mal swe in Adalong acho.. Stunde und Stunde miesse heim läufe.. äbe ja weni heim bi cho isch zbeni ufer couch am penne gsi da ich gwenli der Schlussel mithä..isch luschtig gsi will ab de halbe 7 gähnt tmeischte ga früehstuckeJ Hitte der Tag durch isch nimme vil passiert, Pizza pstellt und fernseh glüegt.

Wasi nu vergässe hä, si nit emal terschte gsi wo im Wan gschlafe heint, Sunntag bis Zischtag het der Claes in ischer Shitbox residiert, will er üssum Zimmer het miesse üszieh,är het emmel gmeint si rächt confortable und mu schlafe tiptop. Jetz heiwer nu more Schüel und de chennwer de endli negscht Wucha uf reise.. Tschüel isch nimme so intressant, Tstadt heiwer eu langsam gsehs und ja hie in Adalong sind mer biz zvil Titschi. Momentan sind apa 17 va dem Gschwader hie.. Ja nu, chasch nit immer gwinne! So das is wieder mal gsi, vili giz churz bevor wer gä numal e Bricht, will warschinli chämewer nachher de nimme so derzüe…

PS. Schribet nisch uf ischi australische Nummer, isch gäbiger ver isch.

Lets talk about iischi letscht wucha

So äs isch wieder emal eso wiet, d fühle Säck üs Australie mäldend schi wieder emal. Juhui! Obwohl eso fühl siewer gar nit, iisch chunt eifach immer eppis derzwische, öi wenns „nur“ es Pier isch.
Äbe, was heiwer d letscht Wucha als eso erläbt. Isch im Fall nu schwierig alles mäge z bhalte. Wier hei immer Krisesitzig, ver z bespräche waswer scho wieder als eso erläbt hei, bevor dass eine mim Text schriebe afaht. Langsam siewer aber bits ime fixe Tagesablöif dri, so dass nimme so schwierig isch. Aber es wird bald emal Ziet eppis nöis z erläbe.

Zu dem alltägliche Ablöif khert öi der Pub Bsüech wa de z Kegi am letschte Mäntag, nah dem dass der vorder Text gschriebe het, uf schich het gnu. Ich hä bits schlächts Gwisse kä vam Weekend här und hä de mal wieder eppis ver di Gsundheit gita und bi es bits ga jogge. Hä de aber rächt schnäll z Gwisse berüehigt kä und bi darum de wieder rächt schnäll zrug gsi.
Am Ziischtag siewer de richtig froh gsi we d Schüel verbie isch gsi und wer Heim hiner d Wäsch hei chäne ga. Nit daswer zu richtige Hüsmänner avanciert wäri, aber siet der Wucha heiwer e Schwie längwieligi Lehreri. Dii Fröi behandelt nisch wie chliini Chinder und iisch voll z Kontrollfreak, dii vorher isch vill easier gsi. Nah der Wäsch siiwer de wieder emal ins Pub bits ga Billiard spiele. Später heiwer nisch de nu ines anders Pub gitruwt, hets aber leider kei Pool Tisch. Dafer hensch es luschtigs Quiz namens Trivia, want chasch gratis Rundine gwinne. Wier sii de leider z spat gsi ver da mitzmache, hei de aber es paar Australierinne gholfe, oder sus emel versüecht.
Der Mittwoch, ja was solli säge, mal wieder Down Under. Vor dem heiwer aber nu eis va de emotionalvollschte Matchs ufer Wält chäne mitverfolge. Schii sägent emel äs siige z emotionalvollschta. Scho während der Schüel heiwer uber das Ereignis gredet und öi d Iheimische va hie dum Guesthouse hent nisch gwarnt, ja nit blaus Gwand azlegge. Äbe müess apa nu erkläre was das ufschich het. Der Match heisst State of Origin und isch e Match wa Spieler stammend üs New South Wales(blaus Dress) gäge Spielera üs Queensland(rots Dress) spielent. Isch nu e rächt patriotische Hinergrund wa d Spielera nur um die Ehre spielunt, ver irusch „State“. Der wa va 3 Spieli am meischte gwinnt chaschi appa es Balli ga hole J, nei seich, gwinnt irgend eso en Pokal oder eppis. Jedefalls hent de d falsche gegwunne, New South Wales. Voller Fruscht siewer de erscht später ins Down Under und hei de d Niederlag emel rächt schnäll vergässe kä. Z Fäschtji isch nu rächt witzig gsi und ich bi de emal fröhlich nit z spat heim. Summi heint die Nacht durchgmacht, mu weiss nit wo, gäll Kegi, nur ver z lüege wie Manchester United Champions League Sieger wird. Ich häs leider verpasst, bi z fühl gsi.
Aber!! Am Donnschtag siewer gli in d Schüel. Sumi zwar bits weniger lang wa der andre. Z Kegi isch z Mittag scho heim, chas nit verstah. An dem Tag heiwer nime gad wältbiwegendi Sache gleischtet. Sii aber de gli nit gad früeh ins Näscht, sii eifach nit miedi gsi. Iisch bringsch scho nit nider.
Frietag heiwer de iische langersehnti Termin kä ver z Auto z besichtige. Hei durch das leider d Schüel verpasst. Wier hei zer Hilf nu iische australisch Kolleg mitgnu, isch aber nit nehtig gsi, will nisch Diitschi der Chare verchöift hent. Gopf!! Diitschi hets ja nu meh wa Schwiizer! Wier hei nisch diräkt verliebt! Nachera chliene Spritztour siiwer nisch sicher gsi, das is unser Baby! In dem Momänt heiwer nu nit gwisst, dass es eso miesam isch en Registrierig vam andre State lah umzschriebe. Jedefalls, wier hei es Auto. Ubergabe Zietpunkt heiwer nisch uf hitu geinigt, Ziischtag. Güetglühnt siewer de heim eppis ga ässe und am Nahmittag in d Stadt. Iner Stadt siiwer zum züeständige Amt fer Transport gange ver das genau z kläre wäge Plagga lah umschriebe und Registrierig. Hey sind dii kompliziert. Schii akzeptiere kei Registrierig va Victoria. Äs isch eis Land, aber uberall heinsch andri Regle, jedefalls heiwer evt. e Lesig, susch miessewer di ganz Registrierig numal mache. Nach dem Ärger heiwernisch wieder e bits miesse abregu und sii de jedefalls am Abe bits ine Üsgang. Sii mal wieder ins Kasino gsi. Der Abe isch nit im Zeiche vam Glick gsi, niemer het gegwunne. Iische australisch Kolleg, der Isaac, het zimli vil verspielt, appa uber 600 Dollar. Aber wier sii nit eso spendabel gsi. Ze 12-e isch de z Kegi und der Isaac scho heim. Ich bi mit eme andre Schwiizer nu es Hüs wieter. Paar Kollege hent versüecht Karaoke z singe, isch nu gar nit emal eso hüere güet gsi. Später siiwer de richtig Heim und da heiwer de z Kegi iner Couch schlafent üfgfunde. Nahm Üsgang vesüeche en Film z lüege isch nu nie güet cho.

Samstag heiwer mal wieder fasch nit üse Fädre mäge. Isch so schön üszschlafe. Nachdem wawer nisch uberwunde hei üfzstah, heiwer nisch e feini Domino’s Pizza gegönnt. Ver nisch mal wieder eppis sportlich z betätige het nisch der Dooley, öi en Oz Kolleg, z Australian Football versüecht biizbringe. Isch wirkli nu witzig und gar nit eso eifach wies üsgseht. Hei nisch emel fasch der ganz Nahmittag mit dem vertwelt. Am Abe heiwer nisch emal ufi billiger Varianta geinigt und sii deheime gebliibe, hei mal deheime es chliises Fäschtji gmacht. Isch nu witzig gsi will rächt vil Liet umcha sind gsi. So billig is de schlussendli aber gli gar nit gsi, willwer im spätere Abe gliech nu churz ine Club sii gange. Nach dem Bsüech siiwer heim und hei nu e chliini Rächnig miesse beglieche mit es paar Liet wanisch nahm Üsgang immer sind cho wecke und sind cho blöd tüe, Rache isch süss. Vam Sunntag am Morge heiwer leider mal wieder nix mitvercho will wer nisch hei miesse erhole. Ohni Verpflegig heiwer nisch de ze zwelfe ufe Wäg gmacht Richtig Gabba Cricket Stadion um iischi Heimmannschaft di Brisbane Lions ga z unerstütze. Das isch wohl der gregscht Fähler gsi. Wier hei Plätz in voller Sunna kä und isch voll miesam gsi zum lüege. Gang nie mit Hangover, ohni eppis z ässe und ohni Chopfbideckig ine AFL Match. Wier hei alli rächt glitte. Der Match isch aber super gsi, hent 140:90 gegwunne. Forza Brisbane!! Nahm Match siiwer voll begeischtret gsi und sii sofort heim sälber ga spiele. Het aber nit lang aghalte di Begeistrig sodass wer nisch meh dum chille gwidmet hei. Am Abe heiwer de öi nimme Bäum versetzt. Hei churz iischi Reis afa plane, wobi nisch der Isaac nur üsglacht het, wills vil z grossi Streckine siege. Derzüe hets nisch de nacher es Bild va Europa vergliche mit Australie gizeigt, wier reise va Schottland bis ine Irak. Shit!!

Ja dischi Wucha het scho güet agfange, sii ersch am Nahmittag in d Schüel. Nah der Schüel heiwer churz Komissione gmacht und hei nu miesse Gäld üsala ver de Van z bizahle. Di Automät sind öi nu tschügge tumm, heint schi doch nit alles in 50 Dollar Schiena üsagigä. Mit vil Bargäld bewaffnet siiwer de mal wieder ins Pub ga Pool spiele und derna Heim und de öi nahm Ässe nit z spat ga ligge.
Ja und hitu isch miene gross Tag gsi, erschtmals links Autofahre. Wier hei mit de Diitsche wieder am glieche Ort abgmacht kä und d Ubergab het erfolgriech stattgfunde. Nach dem alli Dokumänt ubergäbe sind gsi, hets de nu es chlies Abschiedsfoto gigä. Ja und de is los gange! Mit ieschum Van, öi bekannt als Shitbox die 2-te, heiwer nisch ufe Heimwäg gmacht. Isch nu rächt verwirrend gsi. Erschtens inera Grossstadt umcha z fahre und de öi nu links, isch rächt strange gsi. Z komischta isch fasch der Chreisel gsi! Wier sii de emel heil deheime acho. Puh!
Das isch de öi scho z gregscht Ereignis am hitig Tag gsi. Der räscht vam Tag siiwer bits am chille gsi und nu churz im Pub gsi. Ah genau, im Kino siiwer öi nu gsi, sii ga Indiana Jones lüege. Also het nisch nit wirkli vam Hocker grisse. Isch nu schwierig zum verstah gsi, aber gli, d Handlig isch Bullsh…!!

Jetzt isch scho spat und wier miesse more mal wieder in d Schüel! Also is das wieder emal gsi mit Spass und Tricks va Australie. See ya!!