Güeti Gschicht…

So liebe Freunde der Blasmusik, Ich hä endli mal wieder zit gfunne fer eswas zschribe. Hei tagtäglich e hüere Stress, miesse vo einum Termin zum andre hetzeJ!

Tletschte 10 Täg sind ganz im Zeiche vam Glücksspil, Üsgang und Auto süeche gstanne. Summs isch erfolgrich gsi summs halt weniger…. Vorletscht fritag siwer na der schüel gmietli ine Park ga grilliere mit 3 andre Schwizer und am mabe heiwer nisch de ischer 3. Neu lideschaft (nam rugby und der AFL) higigä… dum Glücksspil! Voll motiviert und siegessicher siwer de ins Casino…nach e paar Pier und es paar Rundine Blackjack, hän ich de mine Gäldsack um 70 fr. chenne berichre, zbeni het glöibi um di 30 fr verzockt. Nach dem Gäldsäge siwer de nu gmietli ins down under!

Am Samstag isch de mal wieder Üsschlafe agseit gsi. Am abe heintsch de hie iner nechi swas fäscht kä. Nichtsahnend siwer de ines Pierzält i, de hets mi fascht ufe rigg gleit.4 Göicha iner Volkstracht heint probiert Titschi Lieder zsinge. e wahri Freid gsi! Da is nisch de nit tspat verleidet, znegscht zil isch de The valley gsi, isch so es Viertel voll Pubs und Clubs! Si in 2,3 bare i gsi, isch aber nit wirkli vil los gsi und het nisch eu nit so gfalle (warschinli siwer eifach int falsche Lokäler i). Darum heiwer nit tspat es taxi ver heim gnu. Am Sunntag Namittag siwer de mal wieder ga rugby lüege, dizmal het ischi heimmannschaft vellig ufe grind vercho, aber isch gli intressant gsi…

Am mäntag heiwer vellig en Strecki zruggleit, hei alli Backpackers abgeklappert und si uf Aschlagbrätter ga lüege obs apa es paar intressanti Agebot ver Autos het, hei de emmel es paar gfunne. Di Telefonat sind nachher nit so erfolgrich gsi, entweder sind tauto verchäuft oder scho wieder wäg gsi oder niemert het abgnu.
Am Zischtag heiwer t everys psüecht, dasch e famili wo t chastonay isabel, zwältschi und der Bräu scho gwohnt heint..Zcarli und Zpäddi sind da eu scho verbi gsi. Isch de emmel rächt witzig gsi, hei rächt intressanti sache vo der Isa kehrt, Schi hei schins fasch jede tag en wifläscha geputzt mit ere Kolegin. Was nisch eu verzellt het, isch dass der Bräu und zwältschi schich gäre alls fröjie tient verchleideJ…sehr intressant!
Schi het nisch de prompt zum Znacht ver am Samstag iglade, was der aber leider int zWasser isch kit,will schi kei zit heint kä..aber si de negscht wucha swe iglades!

Suscht isch nit vil ratschigs passiert twucha durch, fasch jede abe ine üsgang, fescht englisch glehrt, am Donnschtag mal wieder ins Kino (Nie wieder Sex mit der Ex, rächt witzig..) und am Fritag heiwer mal wieder es BBQ mit der Schüel kä, der ganz Morge.
Am Namittag nu es stündli int schüel, nacher gmietli ine Park es Pierli ga triche und de am Mabe mal wieder ins Casino. Hei de eu beidi vellig epis abgrümt und si de nachher int valley mit es paar andre Schwizer, wower de alls wieder üsgigä hei. Dizmal isch hüere güet gsi, heis rächt luschtig kä. Ze 5-e isch de eper uf di genial Idee cho numal ins Casino zga. Das isch de nit wirkli güet cho und ja ze 7 apa im näscht gsi.
Am Samstag heiwer lang gschlafe bis am Namittag eswe, am mabe de zerscht ins Kino (21) und wie chas eu annersch si ins Casino, eu dizmal is nit wirki erfolgrich verlufe ver isch zwei Hibsche. Der Abe heiwer de gmielti im Down under la üsklinge.
Sunntag de mal wieder früeh üf, so ze 1-e, getuscht, Pizza igschmisse, twäsch gmacht, gechillt der Namittag dur und de heiwer nisch gedeicht, dass wer das hüere Gäld wieder miesse ga zruggwinne. Das het de wunerbar geklappt, Ich hä 340 stuz, der Isaac fasch 500 hebel und Zbeni…ähhh… gegwunne. Nachher siwer gmietli ines Pub und nisch endli mal wieder es richtig geils Stuck Fleisch gegunnt!! Nach es paar Rundine Billard siwer de heim.

Hitte siwer int schüel und nachher ine Travel Agency wos es paar Auto üsgschrbe het kä…Eis Telefonat isch erfolgrich gsi, dass heisst am Fritag heiwer es Träffe mit einum. Mal lüege was üssa chunnt, gseht aber güet üs!
So jetz heider wieder epis zläse, Ich mag nümm und mälde mi ab. See ya

Dank sei Public Holiday

Sodeli, jetzt chumi emal wieder derzüe eppis z schriebe! Dischi Wucha siiwer fasch immer eppis am tüe gsi, so dassis öi vergässe hä oder äbe nit derzüe bi cho. Daher gits jetzt zimli vil z verzelle und ich bi eigentli z mieds zum schriebe.
So im vorherein z säge isch: wau, hei wier es geils Weekend erläbt. (Siehe Bilder)

Nach dem wunderschöne Spaziergangi im Roma Park vam Ziischtag am Abe, siewer am morge früeh üf ver de Match z lüege und hei nisch derna wieder ufe Wäg in d Schüel gmacht. D Schüel isch es bitseli borring gsi, aber heisus emel güet uberstande. Bevor wer nisch de um di Biigetta Wäsch gekümmret hei, also wier zöggresus gäre üsa wenns um d Wäsch geit, siewer nu schnäll paar Sache ga erledige. Sprich, sii nu der geil Trip nach Moreton Island, wawer am Wuchenend si gsi, ga büeche und sii de öi nu ga Billet chöife ver de WM 2010 Quali-Match Australie gäge de Irak wa de am 1. Juni hie z Brisbane stattfindet.
Bim Büeche vam Trip heiwer ens schwein kä. Wier hei nisch voll spontan, wie wer halt öi sii, am Mittwoch ersch entschlosse da z ga und de heiwer nu gad genau di letschte Pläz chäne ergattre. Het zwar 280 Dollar koschtet, aber het schi wirkli glohnt.
Derna siewer zum Ticketek, wie bi isch der Ticketcorner, gange um äbe die Billet nu z poschte. Gopf isch das e miesame Typ am Schalter gsi. Bis de wier dii Ticket endli kä hei, während der Ziet hängi mu locker 2 Fiirabe Pier chäne trieche. Schlussendli heiwer schi de aber doch nu vercho.
Endli „Deheime“ acho, heiwer nisch de um iischers nöii Hobby gekümmret, z Wäsche. Ich weiss ja nit, aber git ja nix längwieligers als das. Aber wemu mit der Vorfreid ufe Üsgange derhiner geit, uberläbt me öi das. Jedefalls siewer wie jede Mittwoch, voller Entschlosseheit am negschte Morge gli nu in d Schüel z ga, ins Down Under gange. Der Abe isch schnäll verzellt, PAU! Spätestens nah dem Üsgang siewer richtig hie z Australie acho.

Und scho siewer am negschte Morge erwacht. Morge? Ich hei 2-mal uf d Ühr miesse lüege, äs isch leider scho Nahmittag ze 2-e gsi und de hets nisch knapp nit glängt ver in d Schüel. Dadurch heiwer an dem Tag nimme gad vil grandioses gleischtet. Hei bits Hangover kä und sii nur churz in d Stadt gange um eppis chliis ga z ässe. Am Abe heiwer nisch gmietli vor de Fernseh gschmisse und hei es paar Serie glüegt. Sehr beliebt hie isch American Dad, South Park und natirli Simpsons. AH, natirli heiwer öi nu ver di astehend Prüfig glehrt.

Am Friitag het nisch iischers erscht BBQ in Australie erwartet. Aber vor dem isch äbe, wie gseit, e chliini Prüfig agseit gsi. Wier hei natirli wieder emal grockt, nei seich, isch aber nu güet üsgfalle. Aschliessend an die Prüfig heiwer nisch ufe Wäg gmacht zum Roma Park wower iischers erschti BBQ gmeinsam mit der Klass hei därfe gniesse. Mit BBQ-Sossa und was öi nit z verachte isch gsi, isch z bier derzüe!
Das Ässe het stattgfunde will 4 Schieler d letscht Wucha in iischer Klass sind gsi.
Aber wirkli chäne gniesse heiwers nit. Gib eifach nie eme Japaner oder Koreaner e Kamera in d Hand während eme BBQ ver Abschiedsfoto z mache. Hei, eis Foto isch ja iner Ordnig, aber es we wellti de öi nu z Fleisch gniesse.
Am Nahmittag heiwer de leider wieder in d Schüel miesse. Derna is de aber wieder wietergange mit Abschied näh, üs einem Abschiedstrunk sind de schnäll mal 2-3 worde. Zu allem Uberfluss heiwer de nu wieder emal en nöii Liedeschaft entdeckt, z Salsa tanze. Wier hei natirli andersch dominiert mit iischem Tanzgfühl. Ja e Schluck Latino-Blüet wäri sie äbe doch nit eso schlächt. Isch aber nu cool, schii hent mitsch iner Stadt e Müsigalag installiert und de chasch da bits ga abdance. Also ver d Afänger hensch nu en Lehrer agstellt wa da bits vortanzt, wier sii leider z spat cho.
Der Tag isch zimli schnäll verbii gange und so heiwer nisch de doch nu uf de Heimwäg gmacht und nit z spat Noni ga mache.

Voller Nöigier siewer am Samstag am morge früeh üf, dass wer ja nit z spat chäme ver de Trip. Ze Sibne het de iische Trip bim Transit Center agfange. Hei wenn ich dii Chäre gseh hä, häni fasch Schiss kä da izstiege. Iisch sindsch so mit 2 eltere Auto, Gländegängigi 10-Plätzer, cho abhole. Jedefalls heiwer nisch de getruwt, aber de het scho z negsch Problem agfange. Wier sii nur e Schwiizer Gruppa gsi und leider sind öi Fröie da gsi. Gopf, dii hent während der ganz Fahrt keis Müll gstellt und das am Morge früeh, das het ja afa güet agfange. Mit der Fähra is de wiiter zer Insla gange, sii appa eso e Stund gfahre. Änina de endli acho, het nisch es Paradis erwartet, also isch wirkli es Tröimli gsi. Wiet und breit nur geile Strand, geils Meer, kei richtigi Strasse, wenig Touriste, Delfina!!
Zerschta wawer de gmacht hei, isch z Camp bezieh gsi. Also in mier sind so Gfühli hoch cho, als wäri im Jungwachtslager, üsser dass uberall Sand isch gsi.
Ver das wer eso richtig z Feriefieber hei vercho, siewer derna zersch afa emal ani Blue Laguna bits ga bädele und bits ga Beach Soccer spiele. Isch es wunderschöns Seeli mitsch iner Insla gsi. De is mit dem Cheep quer durch d Insla uf d ander Sieta gange, wower nisch de hei chäne verpflege. Scho nur d Fahrt quer durch d Insla isch es Erläbnis gsi. Uberall Wurzle und Hubbla mitsch ufer Strass, wettigs hüere gwaggler Wärch in dem Chare. Also Nahtag wäri da nit eso va Vorteil. Aschliessend heiwer e chliini Klippa bestiege und sii ga en Lüchtturm bestühne. Scho nur d Üssicht uf di ganz Insla isch der Hammer gsi. De hets de wieder Istiige in das lustige Mobil gheisse und sii wieder quer durch d Insla richtig Camp gfahre. Nacheme chliene Stopp im Bottle Shop siewer zrug zum Camp gange. Da heiwer de gmietli am Strand der Sunneunergang chäne bestühne und hei sogar es paar Delfina gseh. Nach es paar Pierlini siiwer de öi nit z spat ins Näscht.

Zerschta wawer am Sunntag morge gmacht hei, isch mal eso richtig feini Pen Cakes ässe gsi. Nahm Frühstück siewer ufem Meer ga Kayak fahre und hei jenschti Fischa gseh und Wracks fa alte Schiffi. Isch nu amüsant gsi. Z Mittag hets de Magic Hot-Dogs gigä. Das heisst: es Wienerli, 2 Toastschnitte, bits Salat, Chäs und Sosse. J Ich weiss ja nit, aber wier hei scho bits meh erwartet, wes scho heisst MAGIC! Jedefall siewer de derna ini sogenannti Wieschti gange und hei de en nöii, cooli Sportart entdeckt. Z Sandboarde. Da liggesch chopfora ufera Spannplatta und rutschusch eso en Sandhill ebri. Also isch ja scho nu witzig, aber eso ohni Lift oder nur scho Stäga, verleiduts der nu rächt schnäll. Jedesmal der Hubbel ebrüf z tschalppe isch sogar ver iisch durchtrennierte Sportler e Chrampf gsi. So nach dum Motto, zuerst die Arbeit(Hubbel ebrüf löife) dann das Vergnügen(Party) siewer de zug zum Camp. An dem Abe heiwer wieder es paar Delfina gseh. Dits mal siewer aber ins Wasser gange und de sindsch uf iisch züe gschwumme. Appa eso 5 Meter vor iisch hensch schi umkhert und sind gange. Isch nu es komischus Gfühl we e wilde Delfin uf dich züe schwimmt. Wier heis emel uberläbt und z Fäscht derna isch öi witzig gsi.

Am Mäntag hängiwer ja eigentli Schüel, kei Angscht wier hei nit gschwänst, aber da Public Holiday isch gsi, heiwer e 3-tägige Trip ufer Insla chäne gniesse. De heiwer der ganz Tag nimme eso vil gmacht. Am Morge siewer schnäll ufe hechscht Sandhubbel, mit era stolze Hechi va 200-300 Meter uber Meer, va der Wält. Der Räscht vam Tag siewer bits am Strand am chille, schwimme, tschutte gsi. Isch so e richtigi Gniessertag gsi. Ze 5-e siewer de leider wieder mit der Fähre zrug Richtig Brisbane gfahre. Aber dii Insla isch wirkli der Hammer gsi. Schlussendli siewer de gli froh gsi wieder „Deheime“ z si und mal wieder richtig chäne ga tusche. Hei dii Pirschtlini hent es strengs Grüchli kä. Voll ausgepumpt siewer de nit z spat uner gsi.

Der Alltag het de am Ziischtag ersch wieder agfange. Da isch eigentli nit vil passiert. Hei nisch ver en Besichtigung va der Pier Brauerie igschriebe, wird sicher nu interessant. Nah der Schüel siewer nu schnäll bits ga shoppe und de eigentli nit z spat hei. Zu allem Uberfluss bini an dem Abe nu ga jogge. Z kegi der fühl Hund isch lieber vor dum Fernseh gebliebe.

De isch da wieder emal der berühmt berüchtigt Mittwoch vor der Tiri gsi. Ja d Schüel isch de zum Glück schnäll verbii gange, sodass wer nisch nacher nachenand ufe Wäg zum DFO üsserhalb va Brisbane gmacht hei. DFO isch eso es etwa 30 Läde beinhaltends Gebäude wo alles rächt billiger isch. So z säge es Outlet Gschäft. Wier sii ersch so ze 3-e da gsi und de we wer gad durch si gsi hensch züe gita. Also isch scho nu rächt gross. Zum Glück heiwer kei Fröi derbi kä, susch hängiwer wahrschinli nu z Zält miesse mitnä ver z ubernachte.
Wier heinisch de emel mit nöiem Chram ufe Wäg zrug zum Guesthouse gmacht. Da heiwer nisch schnäll verpflegt und sii de wieder emal ine Üsgang und zwar wieder mim glieche Ziel wie immer, pünktlich am Nahtag in d Schüel z ga. Im Üsgang heiwer nu der Geburtstag va einera, wa öi hie im Guesthouse isch, gfiehret, sodass de summi nah de 12 Heim sind (Kegi) und summi da halt bits später.

Jedefalls heiwer hitu emal üfmege, oder besser gseit, hei der Wecker mal wieder gstellt kä. Der Schüeltag isch nu easy gsi, halt bits mieds aber was willt. Nah der Schüel siewer nu ga Billet chöife ver Rugby Match vam Sunntag und derna de nit z spat heim. D Wäsch heiwer (merci Kegi) sogar öi nu gmacht Jetzt vorher siewer nu schnäll ines Pub mit Billard Tischa eine ga zieh und derna heiwer der Abe mit eme Kinobsüech la üsklinge. Si ga „What happens in Vegas“ lüege, also emel das wani verstande hä isch nu witzig gsi.

PS: versüeche bits fliessiger z schriebe!

See you!

Mal wieder eppis nöis

E witri intressanti und erläbnisrichi wucha isch passée. Nahme super weekend (siehe letzten Bericht)siwer am mäntag wider voller Tatendrang int schüel, wo wer de, numme ver di wucha, en neui Lehreri vor tnasa gsetzti hei vercho! Di Fröi hetsus nit so im Griff kä und darum is de nit so very intresting gsi mit ihra.

Am Zischtag hei wer nisch zerschmal ans Meer gwagt. Wier si mim Zug e halb Stund unerwägs gsi bis uf Shortcliff(es hüere Kaff) und va da nu 10 Minüte Löifwäg…isch de eu rächt idrücklich gsi di Kulissa, aber z‘Beni z‘Hösi het de nit ins Wasser welle, wills ja sooo vil Viicher het;-)!

Um iisch vam strenge Schüelalltag zerhole, isch de am Mittwoch mabe wider Üsgang agseit gsi. Zganz Guesthouse isch de feuchtfröhlich ins Downunder gepilgret! Isch de wider en luschtige Abe gsi, dizmal leider ohni wetshirt Contest, da tWiiber zschüchi gsi sind! So siwer de halt trürig und endtüscht so ze 3 ga ligge!

Am andre Morge heiwer de irgendeswie der Wecker nit kehrt oder zBeni het ne warschinli mal wieder vergässe zstelle und somit hets nisch de leidergottes nimme int Schüel glängt.

Der Fritag dur isch rächt vil gluffe. De heint schie hie Zaustralie grosse Fiirtag kä, Anzac Day. An dem Tag ehrentsch dSoldate wo im 2. Wältchrieg sind gstorbe(fasch alli heint tszitlicha gsägnut…sälber tschuld;-)! Äs het en grosse Umzug gigä iner Innustadt mit millione, wenn nit tüsige, va Lit…
An dem Tag heiwer de nu ischi 2. neu Liideschaft entdeckt, Rugby! Voller Neugier siwer ins aner gross Stadion(Fassigsvermöge 52000) di Broncos ga afiire. Die heint de natirli eu gwunne. Dizmal siwer gschider gsi und hei de ver lizensierti Plätz Tickets kä. Lüegt schi scho gat vil besser mimu Pierli 2!
Samstag morge siwer nit spat üf und si de mim Zügli ani Gold Coast ine Wet’n‘Wild Park, isch der gregscht Wasserpark hie z Australie, ähnlich wie der Aquapark eifach numme vil gresser! Isch genial gsi.. Eu z Wätter het super mitgspilt, e hüere wärmi gsi…
Päch heiwer de am mabe biz kä, hei int Stadt welle ga chelsea-Manu lüege. Üs einer beiz heintsch nisch gschmisse willwer zspat si cho und alls reserviert isch gsi, üs der andra will mu da het miesse ässe wemu het welle lüege und ines Pub heiwer nit iterfe will wer kei lengi Hose hei akä, wär ja eu blöd in der BachiJ! Schlussendli heiwer nisch de doch nu es Platzi inere Beiz chenne ergattre und hei de züeglüegt wie Manu uf z Dach het vercho!!

Der ganz Sunntag isch chille agseit gsi mime abendliche Kinobsüech… Hie zahlsch ver en Itritt numme 5 fr, aber der Film isch nit gat der Hit gsi, Superhero heder gheisse!

Am Mäntag het nisch t Stadtfähra fasch ine Tod grisse, vor der negscht Station isch dum Käptän der Motor versuffe und wier si voller Wucht int t Müra getätscht..dum Boot und isch hets nix gmacht, aber en ältere Herr heintsch mit der Ambulanz miesse cho hole..Na dene Strapaze und der Todesangscht am Mäntag :-) is de hittu rüehiger züe und här gange. Si der St. Roma Park ga alüege mit schiner Pracht va Blüeme und Beim. Isch es Tröimli gsi!!

P.S more isch wider Wäschtag :-(

First Weekend in Brisbane

Nachera astrengende Wucha heiwer nisch z erscht Wuchenend reglich verdient. Bevor dass wer am Frietag „Heim“ si, siewer z Suncorp Stadium ga besichtige. Das isch z Heimstadion va de Broncos und Reds, beides Rugby Mannschafte, Fassigsvermöge: 52`500 Züeschauer. Isch nu zimli gross.

Am Abe siewer de nit z spat ins Näscht gange, also ich, z Kegi der Zippfel het nu bis in alli frieji gläse, dasswer am Samstag fit sie gsi ver iesche erscht gross Üsflug. Damit wer bits z Feeling va Australie gspirre, siewer wie chlieni Chinder voller Begeischtrig ine Australia Zoo, z Heim vam Crocodile Hunter, gange. Ver das heiwer e lengi Reis mim Zug, Unerhaltig by Minigolf oder Snake vam Natel, uf iesch gnu. Emal da gsi, heiwer gar nimme welle ga. Z Kegi wäri schienera emel fasch fremd gange und zwar mit eme Känguru. Look at the Picture. Isch nu cool gsi, dassme di Kängurus wie z Zürich im Striechelzoo hängi chäne füettre. Isch nisch aber z tier gsi, 50 cent hängi es Sacki koschtet, WUUCHER.Ihh, wo die Australier uberall irusch BBQ Sossa , Barbecue Sossa, dri stossend. Heiwer doch nit nichts ahnend da im Zoo en Pizza bstellt und anstatt Tomat Sossa heinsch äbe dii sogenannt BBQ Sossa dri gita, eh wahri Freid. Z Sossa wäri scho nit schlächt, aber eswo herts mer eifach.

Nach der Faszination Zoo siewer zrug uf Brisbane wower de ieschi nöi Liedeschaft entdeckt hei. Da isch Bayern Münche und Real Madrid e Dräck dergäge. Just a joke! JNei wier sii iischi nöii Lieblingsmannschaft ga afiire: di Brisbane Lions. Schii sind der amtierend Champion va der AFL. (AFL=Australian Football League). Uf dem Wäg zum Stadion heiwer nu gmeint das siege nur eso e Verein mit eme chliene Stadion, aber oho dü. Im Stadion sind de schlussendli eppis meh wa 30`000 Züeschauer gsi. Im Stadion gits zwei Arte va Plätz. Äs git lizensierti und nit lizensierti Plätz. Der Unerschied isch, dass mu bi de lizensierte Plätz darf Alkohol trieche und bi de nit lizensierti nit darf trieche. Jetzt het doch nit z Kegi der Göich Billet ver d unlizensierte Plätz köift.

Ich hä ja scho nit so gäre Pier, ABER während eme Spiel lüege khert doch das derzüe!!! Ja nu, z Spiel het de jedefalls öi ohni Pier agfange. Wier hei mit vil Emotione z Spiel verfolgt und hei chräftig mitgfiebret(fasch Theater mit eme gägnerische Fan kä).Jedefalls Australia Football isch nu witzige Sport. Ver ne z erkläre wäri z lang derhiner. (Wier striete nisch nu jetzt druber wie ner genau funktioniert.)

Am Sunntag siewer de nur nu churz mit der Fähre in d Stadt ver ga Wäschmittel z chöife. Gwäsche heiwer de aber gli nit, sie z fühli gsi oder hei nisch eifach nit getruwt.
So jetzt is Mäntag am Abe und wier sellti mal ga ligge. More strengi Schüel.Und: d Wäsch isch gmachti!!

The Swiss Guys are everywhere

sodeli,jety faht der theater wider a mit dene ae,ue und oe..di taschtature hie sind zum flaenne.
aebu ja jetz heiwer scho 4 taeg schuel hiner isch und hei scho very very many glehrt..
Hei zwar nu biz mieh di tschapsini zverstah. vo dene jetz hie en huere laedri!
Aber suscht geit das gar nit so schlaecht.
zschlimma isch, wier si uber 20 stunde gfloge, e huere witi waeg vaner schwiz, aber due triffsch gli nur uf schwizer.... in ischum guesthouse jetz 2,3 stuck in ischer klass siwer zviert und iner ganz schuel hets nu jenschti andri.. also chasch eigentli biz ga wont willt, di goicha sind uberall!!
Geschter mabe siwer zerschmal ine uesgang hie zbrisbane. Die Bar heisst downunder, da traeffent schi fasch numme studaente und vorallem studaentinne!Thitta isch vellig voll gsi, und serioesi wiwer si heiwer natirli kei schluck alkohol getrueche...will hitte isch ja wider schuel agseit gsi!! Ze 12 heintsch en de nu en wetshirt contest veranstalte, hets es paar puttini zbewundre gae! Irgendeswe siwer de heim und de halt hitte wider int schuel...
das waers mal wider gsi ver es paar taeg...
see you

Erste Impresionnen

Nach era churzwielige Zugfahrt heiwer in Zuerich nichtsahnend igecheckt.
Hei, scho nur bis uf Dubai geits ja huere lang. Im Land der Scheiche siewer fasch verdurschtet, will wer nisch nit getruwt hei eswo eswas ga z choeife.De hets de scho wieder gheisse boarding und wier sie froh gsi dasswer feins Wasser im Flugzieg hei vercho.
Hei, de nu wieter uf Singapur geit ja oei numal raecht lang! Da heiwer nur churz frieschi Luft ufem Deck welle ga schnappe und de hets nisch fasch ane Rigg getriebe! Das Klima da isch ja anersch leid.
Der letscht Chatzesprung heiwer de oei nu uf iesch gnu und sie emel ganzi z Australie acho. Doch dum Gepaeck is leider anersch ergange. Hensch vertrehlt die Goeicha!
Am Samstag siewer de am morge churz in d Stadt und der raescht vam Tag bis am Sunntag em morge heiwer gepennt. Hueere Tschetleg! Am Nahmittag heiwer de afa ieschers Gepaeck vercho und hei endli chaene ga dusche.
Jetzt siewer gad iner Schueel und hei d Iteiligspruefig hiner iesch. Die pirschtlini sind starch. :)
Moll wier hei nisch gueet iglaebt und iesch geits nu gueet.
Fotos folgen!!

Abschied

Mit Träne ine Öige verabschiede wier isch va iesche Müettini, wanisch fasch nit lähnt la ga.
Nei seich, äs isch so wiet, wier mäche nisch uf di langersehnti Reis!!